Wariyaha ayaa lagu dilay wado laamiga ka leexata oo lagu magacaabo luuqaKuwaitwaxaana dilkiisa sida ay warbaahintu sheegtay loo adegsaday bastooladu ,waxaana halkaa ka baxsaday kooxdii falkaa geysatay oo aan heybtooda la aqoosan.

Dilka wariyaha ayaa si rasmi ah oo ogaaday wixii dambeyay 9:30 Fiidnimo ee wakhtiSomalia(Makka Time or GMT +3 Hrs) ,waxaana saaka ilaa xalay Idaacadda Daljir xarumaheeda kala duwan laga siideynayay Aayado quraan ah ,waxa ay sidaa oo kale Idaacadu sameysay Barnaamij u gaar ah wariyaha la dilay oo ay taariikhdiisa uga hadlayeen.

Qaar ka mid ah howladeena Idaacadda Daljir ayaa maamulka Puntland ku eedeeyay in ay si muuqata uga soo wada qeyb galin aaska loo sameeyay wariyaha .

Wasaaradda Warfaafinta ee Puntland ayaa dhinaceda ka hadashay dilka wariyahaa waxayna ku tilmaantay in uu yahay fal waxashnimo ah iyado tacsi u dirtay eheladii iyo qaraabadii uu ka baxay wariye Farxaan Jeemis C/laahi.

Dilka wariye Farxaan ayaa noqonaya kii labad ee ka dhaca gudaha Gaalkacyo mudo 3 bilood gudahod ah iyadoo ay ka sii horeysay wariye kale oo lagu dhaawacay.

Waxaa soo badanayay wariyayaasha dilalka qarsoon logu geysanayo Maamul Gobolkeedka Puntland ee ay  fulinayaan kooxo aan la garaneyn , mana jiraan wax muuqda oo ka hirgalay hadalada Maamulka ka soo yeedha ee la xidhiidha in ay tixraaci doonaan kooxaha falkaa geysta ,waxaa jira in Maamulka Puntland uu cadaadis buuxa saray Saxaafada guud ee ka howl gasha Puntland in aysan ka hadli karin falalka ka dhaca gudaha Puntland ee xidhiidhka la leh amniga iyo in aysan guud ahaabka ka hadli karin wararka la xidhiidha Kooxda Al shabab ee ka howl gasha Buuraha Gal Gala.

Askarta qaraxa lala eegtay ayaa saaraa gaadhi ka mid ahaa kolonya gawadhi ahayd oo ay wadeen Amisom kuwaas  oo ka yimid dhinaca Degmada Deyniile ee duleedka Muqdisho.

Dad ka ag dhawaa halka lagu qarxiyay Amisom ayaa sheegay in ay jireen dhaawac iyo dhimasho soo gaadhay Amisom ayna u dheereyd burburka gaadhigii ay miinadu la kacday , waxayna dadkaasi oo warbaahinta maxaliga ah u waramayi sheegeen in ay jireen baadhitaano ay Amisom sameyeen balse wakhti yar kadib ay gobta ka tageen.

Qof goobtaa ka ag dhawaa ayaa sheegay in miinadu ay u muuqatay mid meesha horey loo si dhigay aysan ahayn kuwa meelaha fog fog laga hago.

Cidamada Amisom ayaa dhawaan saldhig ka sameystay degmada Deyniile oo ay gacan ku heynteda kala wareegeen Kooxda ay awoodeedu wiiqantay ee Al shabaab .

Si cad war buxa loogama helin inta uu la eg yahay khasaaraha halkaa ku gaadhay Amisom , ma jiraan cid sheegatay in ay ka dambeyso qaraxaa , mana jiraan wax hadal ah oo ka soo baxay taliska AMISOM oo ku aadan khasaaraha soo gaadhay ay ku faah faahinayaan.

Af hayeen u hadlay ciidanka gaarka ah ee Kenya ayaa sheegay in labada nin ay ka soo gudbeen dhinaca Soomaaliya aysana ahayn Somali Kenyan sida wararka qaar ay sheegayaan waxa uu intaa ku daray in dhaq dhaqaaqooda ay ka war heleen iyo wajiyadoda oo ku cusbaa magaalada .

Waxa uu Af hayeenkaasi sheegay in ay laamaha amnigu daba gal wadaan ilaa haddana ay ku howlan yihiin heegan buxana ay mar walba ku jiraan , waxa uu dhinaca kale sheegay in ay jiraan laamo kala shaqeeya la socodka dadka ka so gudbaya dhinaca Soomaaliya oo ay wada shaqeyn kala dhaxayso.

Waxa uu intaa raaciyay in 2da nin ay hadda baadhitaano ku socdaan wixii ka soo baxa ee warar ahna ay la socodsiin doonaan Saxaafada ayna soo bandhigi donaan wajiyada 2da nin hadii dambi lagu hadii kalena ay xoriyadooda siin doonan.

Ma ahan markii ugu horeysay ay sidan oo kale CiidamadaKenyasheegtaan in ay gacanta ku dhigeen xubno ka tirsan Xarakada Al shabaab oo damacsan in ay howlgalo ka fuliyaan gudaha DalkaKenyabalse ilaa hadda si cad uguma aysan guuleysan in Ciidamada sirdoonkaKenyaay so bandhigaan xubno ay ku sheegayan in ay ka tirsan yihiin Al shabab.

Af hayeenka Hey’adda Culimada Soomaaliyeed Sheekh nuur Baaruud Gurxan  oo la hadlay Idaacadda Shabelle ee Magaalada Muqdisho ayaa sheegay in hadalkada ka so baxaya Mas’uuliyinta ku hadlaya magaca DKMG ah ee Soomaaliya ay yihin kuwo u muuqda in dadka la khasbayo, wuxuuna dhinaca kale sheegay in Hey’adda Culimadu ay guud ahaanba ka hor imaneyso dastuurka cusub oo u muuqda mid waxyaabo badan oo khaldani ku jiraan.

Waxa uu Shekh Nuur Baaruud carabka ku dhuftay in hadalada DKMG ah ka imanaya qaarkood loo arkayo in ay yihiin kuwo dano gaar ah laga leeyahay dastuurkuna uu yahay wax dad ay qoreeen balse uusan ahayn Kitaab Muqadas ah.

Sheekh Nuur waxa uu tibaaxay in hadafka DKMG ah ee Somaliya uuna ahayn in ay dumuso DKMG ah balse ay tahay waajib saran in dadka Soomaaliyeed ay uga digto wixii dhibaato ah ee ku imanaya .

Hey’adda Culimada Soomaaliyeed ayaa mar sii horeysay gaashaanka ku dhufatay qabyo qoraalka dastuurka cusub ee DKMG ah ay dooneyso meel marintiisa waxa ugu weyn ee ay Hey’adda Culimadu ku diiday ayaa ah in dastuurku uu ka hor imanayo Diinta Islaamka iyo dhaqanka suuban ee soo jireenka ahaa ee Soomaalida lagu yaqaanay

Sheekh Yuusuf Aadam Maxamed ayaa mudooyinkan safar dacwadeed ku joogay Deegaankada Puntland wuxuuna muxaadaraad kala duwan ka jeediyay Masjidka Al rowda iyo Nadwo cilmiyeedkii 10aad ee isla Masjidkaa lagu qabto, Muxaarado u gaar ah dumarka ku dhaqan Magalada Boosaaso iyo habeenkii  Arbacad ahayd oo uu Mumxarado ciwaankiidu ahaa waajibkaadka la doonayo qofka Jaamiciga ah  u jeediyay Ardayda dhigata Jaamacada Bariga Afrika oo ka kooban 9 Kuliyadood

Sheekhu waxa uu ugu horeyn sheegay in nimacada amniga qofka dareemaa uu yahay qofka amniga aan heysan sidaa oo kale qofka caafimaadka qabaa uusan dareemeyn xanuunka balse marka meel jidhkiisa ka mid ahi ay xanuunto uu dareemayo nimcada ka maqan , nimacadana sideeda waxaa dareema qofka wayaa, wuxuuna soo qaatay Aayaad iyo Axaadiis ka hadlaya Amniga iyo faa’iidadiisa(رب إجعل هذا البلد آمنا), waxa uu Nabi Ibraahiim waxa uu Alle uga baryay caruutiisa ay tahay in marka hore Alle amni siiyo risiqana uu u sahlo.

Wax uu Sheekh Yuusuf waxa uu sheegay in amni xumo hadii ay timaado aysan suura gal ahayn in la isku yimaado, ganacsi la sameeyo, iskuulo la furto,dukaamo aan la furaneyn , safarkiina uu go’ayo wuxuuna halkaa u soo daliiliyay (وضرب الله مثلا قرية كانت آمنة مطمئنة يأتيها رزقها من كل مكان …….آية)Aayadana ay muujineyso micnaha dhabta ah ee amnigu leeyahay iyo hadii la waaayo waxa ka dhalanaya , sheyga ugu muhiimsan Alle rumentiisa kadib ee uu qofku helaa ay tahay amni, kan xigaana ay tahay risqi la helo kan sadexaadna uu yahay caafimaadka sadexdaa hadii wada jir loo helaana ay tahay noloshu mid wanaagsan aduunyadanu ay tahay mid aan xiligaa kala maqneyn.

Waxa uu Sheekh Yuusuf xusay in wax laga xumaado ay tahay in dad islaam sheeganayaa oo magaca islaamka ku hadlaya oo hadana dadkii u diidan in ay amni ku noolaadaan wuxuuna yidhi “waxaa wax laga noxo ama laga xumaado ah in ay soo baxaan dad magaca islaamka ku hadlaya oo hadana dadkii u diidan in ay amni ku noolaadan ,amnigii islaamku ugu yeedhay ee ilaahay ku amaanay ee Ilaahay diintiisa meel walba ku sheegay nin kaloo magaca islaamkaan ku hadlayaa oo hadana amnigii khalkhal galinaya oo abiriyadii muslimiinta ahayd ee bariga ahayd leynaya oo qaar kaloo muslimiin ah laynaya waa wax runtii laga xumaado ama laga noxo dadkii muslimiinta ahaa naftoodi ayuu la dagaalmayaa diin ahaan iyagoo isku diin ah iyagoo isku walalo ah iyagii isku qaraabo iyo isku ehli ah waxa lala yaabo taa weeye”

Sheekh Yuusuf Aadam waxa uu dhinaca kale wax ka tilmaamay in ay jiraan in dhinaca kale ay ka soo baxaan kuwo sheeganaya in ay amniga ka shaqeynayaan iyaguna la dagaalamaya amnigii qof kasta oo diin leh oo gadh ka muuqdo ama gabadh xijaaban oo isku daya in diinta sida ay tahay u qabsado la dagaalamaya kuna dhahaya argagixiso ayaad tihiin ku dhahaya waxaana soo baxay labo mushhkilo , diintuna ay tahay mid dhex dhexaad ah oo labada dhinacba aan la jirin .

Waxa uu Sheekh Yuusuf Aadam Maxamed tilmaamay in Diinta uu Nabigu la yimid ay tahay mid dadka u hogaamineysa dhinaca wanaagsan xumaantana ka horjoogsaneysa una badbaadineysa ridaha Alle iyo Janadiisa ,waxa uu dhanka kale tilmaamay in ay xaaraam tahay in qofka muslimka ah dhiigiisa la daadiyo xoolihiisa la dhoco iyo in sharaftiisa meel loga dhoco ama la caayo ay Dintu diiday arintaa Nabiguna SCW uu arintaa ka hadlay ugana Hadlay khubadiisii ugu dambeysay, sheekhu waxa uu xusay in diintu ay rafeyso in dadku walalo noqdaan dhexdoodana markaa ay ka dhalaneyso in ay amni helaan  waxa imanayaa ay tahay barwaaqo iyo in dadkii noloshodii wanaagsanaato , hadii aan amni la helina ay dacwada iyo diinta fidinteedii ay isataageyso dadkuna ay dalkooda iyo guryahooda ka cararayaan.

Sheekh Yuusuf Aadam Maxamed waxa uu muxaaradiisa ku soo gaba gabeeyay baaq uu u jeediyay Xarakada Al shabaab ee dhaqanka ka dhigtay in ay dadka laayaan, ee ay Culimada laayaan in ay iyagu is qarxiyaan in ay ardaydii laayaan  in ay yidhaahdan wax Alle lagaga fogaanayo Alle ayaan ugu dhawaaneynaa wuxuuna Sheekhu yidhi “waxaan ku soo gaabinayaa baaq aan u jeedinayo inamada dhalinyarada ah ee walalaheen ah ee buuraha galay ama meelahaa ku jira ee ka dhigtay in ay dadka muslimiinta ah laayaan Culimada in ay laayaan in ay iyagu is qarxiyaan in ay ardaydii laayaan in wax Alle lagaga fogaanayo ay yidhaahdaan Alle ayaan ugu dhawaaneynaa arinta caynkaa ah ayaan doonayaa in baaq walaltinimo ah  oo kheyr la jecel ah darted oo walahay kheyr aan la jeclahay darted ah aan u diro  qofka muslimka ah in qofka muslimka ah dilo waa xaaraam hadii uu si xaq daro ah ku dilana naarta ayuu ku galayaa من قتل نفسه عذب بها  wuxuu isku dilay ayaa lagu cadaabayaa waa sida uu Nabigu sheegay haduu naf kale dilana xaq daro ku dilana و من قتل مؤمن متعمدا……… آية  qofku marka uu qof kale dilo oo xaq daro ku dilo awalan waxaa laga cabiray in uu naarta jahanamo galayo oo uu ku waarayo cadii Allahay ku dhacayso nacladii Ilaahay ku dhaceyso in uu cadaabkaas cadiimka ah ku waarayo oo uuna ka soo baxayn C/laahi Binu Cabaas waxa uu sheegay in uusan xataa towbad lahayn in kastoo mufasiriinta sida ay u badan yihiin ay ku khilaafsan yihiin waxaa weeyaan marka maadaama ay arintu sidaa tahay  qofka muslimka ah walalayaal wax sahlan ma aha Nabigu CSW waxa uu yidhi لزوال الدنيا أهون على الله من قتل مسلم  aduunyada oo dhan oo rogmata ayaa Alle uga sahlan qof muslim ah oo la dilo ولو أن أهل السماوات و الارض إجتمعو من قتل مسلم لأكبهم الله في النار  makhluuqaadka aduunka joogoo dhan hadii ay ku heshiin lahaayeen dilka qof muslim ah ilahaay naarta ayuu ku wada guri lahaa ayuu yidhi Nabigu CSW”

Sheekh Yuusuf Aadam Maxamed waxa uu sidaa oo kale ka hadlay falalka ay ku kacayaan Al shabab ee ay isqarxintu ku jirto  wuxuuna yidhi isagoo arintaa ka hadlaya “  kheyrban idinla jeclahay wax wanaagsan ayaana idinla doonayaa maadaama qofka aad dishay aad naar ku galeyso qofkaa muslimka ah maadaama hadii aad adigu is dhisho adigoo noloshii waayay aad naar galeyso oo arintaa ay hubaal tahay oo Alle iyo Rasuulkiisaba inoo sheegeen, arintaa lagaa dhaadhiciyay ee ah marka aad is qarxiso oo dadka isku dhex qarxiso oo qof muslim ah disho Janaad ku galeysaa ama shahiid ayaad noqoneysaa hadii aad is disho noqoneysaa walahay arinkaa waa been waa walahay wa rabul kacba masaajidbaan fadhiyaa qof muslimka ah oo ashaahadanaya oo aad dishay inaadan jano ku galeyn adoo is dilayna inaadan jano ku galeyn naftaadood weyday walalkaa oo aad weyday iyo adoo naar galay ayaa isku kaa darmaya”

Sheekh Yusuuf aadam waxa uu sheegay in towbadu ay tahay mid furan wuxuuna yidhi “markaan leenahay towbadu waa furan tahay  soo nqo oo ka tobad keen oo Ilaahay ka boqo oo kaalay  hadii markii hore jahli arintaa ku geeyay ama arintaa kuu geeyay dad kale oo ku lumiyay oo diin kaaga dhigeen war diin ma aha ee waa cadaab waa musiibo balaayo ay kuu sheegeen isaga soo noqo ayaan ku leenahay adeerayaal waan kula talinayaa waa naseexo yomul qiyaamaha ana xujada waan kugu oogayaa hadad i maqli weydo yomul qiyaamaha walahay lagu weydiinayaa dimadeyda waan bari yeelay waan kuu sheegay ma aha qof muslim ah oo ashahaadanaya dilkooda inaad jano ku galeyso  waxaan kuu sheegayaa shacabka Soomaalidu waa muslim madaxdiisa iyo mijihiisa odoyaashiisa habrihiisa dhalinyaradiisa qof aan muslim ahayn oo qarsanayaa hadii uu jiro war uma heyno lakin sidaa aan umadda ku naqaano mee kasta ha joogto tan Itoobiya xukunto  tan kiiniya xukunto  tan koonfur joogta tan Puntland joogta iyo tan Somaliland joogta  tan dibada ku maqan qof Somali ah oo gaaloobay oo aynaan war u heyn mooyaane umadaasi waa umad muslim ah  xukaamtu waa muslim  oo askartu waa muslim oo shaqaalaha dowladu waa muslim oo shacabku waa muslim waxaan leenahay yaan been laguu sheegine khaladka aad galeysaanoo umadada u soo noqo umaduna waxaan ka codsaneynaa in la soo dhaweeyo hadii ay inamadaasu soo noqdaan dowlada waxaan ka codsaneynaa in inamadaa hadii ay soo noqdaan la soo dhaweeyo oo aan waxba dambe loo raacan ee la saamoxo oo la iska daayo kii aan dambe gaar ah loo heysan inta la soo dhaweeyo la ixtiraamo waxaan rajeynayaa marka ay baaqaa maqlaan in ay soo noqon doonaan walalahey aniga xumaan igama aha walahay wanaagbaan la jeclahay waxaan doonaa in cidhiidha iyo buuraha iyo rafaadka  iyo uskagga iyo dhibaatada ay ku jiraan ee aan ajar looga qoreyn inta isaga soo baxaan umadooda soo dhex galaanoo ay shaqeystaan oo kii wax yaqaanay uu ku shaqeysto oo kii ganacsi waday wato kii macalin ahaa macalin noqdo howlihina ku soo noqdaan leeyahay Baarakalaahu Fiikum isaga isaga kaalaya cadaabta iyo dhibaatada aad ku jirtaan ee waliba dambiga la idiin qorayo

Ninka la dilay ayaa lagu magacaabi jiray Maxamed  Amiin wuxuuna ka mid ahaa shaqaalaha ka howl gali jiray xarunta Sharikadaasu ku laheyd Baydhabo, waxayna dad goob  joogayaal ahi ku warameen in nimankii dilkaa geytay ay goobta ka baxsadeen wakhtiga oo habeen ahaana aysan suura galin in heybtooda la raaco.

Ma jiraan wax dhaq dhaqaaqyo ah oo ay sameeyeen ciidamada wada jirka isku garabsanaya ee ku sugan Baydhabo oo ay arintaa ka sameeyeen , waxaa sidaa oo kale aan war laga heyn cida ay ka socdeen nimanka dilkaa fuliyay.

Dhinaca kale ma jiraan wax war ah oo ka soo baxay dhinaca Sharikada Hormuud Telecom (ex Barakaat Telecom) , mana ahan markii ugu horeysay ee dil loo geysto shaqaale ka tirsan shaqaalaha guud ee Sharikadaa ka howl gala.

Waxa uu ugu baaqay Ciidamada la filayo in ay dantoodu ku jirto in ay dalkooda joogaan aysana soo fara gashan Soomaaliya iyo xaaladeeda waaayo ayuu yidhi wax xidhiidhka lama wadaagaan Soomaaliya , ujeedadoda imaatinkana waxa uu ku sheegay in ay tahay mid in ay dhibaateeyaan shacabka Soomaaliya ayna hantidooda baabi’iyaan.

Sidaa oo kale waxa u Cali Dheere ka hadlay aragtida Ururkooda ee ku aadan Ciidamada Sera Leone wuxuna xusay in xarakadodu ay ciidamada dagaal buxa oo qorsheysan ku qaadi doono ilaa iyo inta ay dalka Soomaaliya ka baxayaana ay dagaal kula jirayaan.

Hadalka af hayeenka Al shabaab ayaan ahayn markii ugu horeeyay ee sidan oo kale uu sheego in ay la dagaalmayaan ciidamada shisheeya ee dalka la keenayo balse dhinaca kale waxaa jirta in mudooyinkii ugu dambeeyay ay awooda Al shabaab sii wiiqmeysay dagaalkoodiina uu noqday mid dhumaaleysi iyo ku dhufoo ka dhaqaq ku koobnaada.

af hayen u hadlay is bahaysiga ayaa sheegay in bilihii la soo dhaafay ay hoos u dhacen falalkii qafaalashada gaadiid badeda Soomaaliya biyaha la dariska ah  mari jiray taasina ay u sabab tahay wada shaqeyn toos ah oo ay wada gaadiidka xamuulka sida iyo ciidamada badaha ilaalinaya.

waxa uu afhayeenkaadi carabka ku adkeeyay in talaabada xigtaa ay noqon doonto iyagoo ka so ag dhawaada xeebaha Soomaaliya una jirsan donan masaafo yar oo ay ka arki karayaan xeebaha ama bariga.

waxa uu dhinaca kale afhaayeenkaasi tilmaamay in ay dhawan sugayaan Markab Dagaal oo ka iman doona Wadanka Holland kaas oo qeyb ka noqon dona gaashanbuurta la dagaalanka Budhcad badeeda.

waa markii ugu horeysay ee wadamada la magac baxay la dagaalanka budhcad badedu ay sheegaan in ay awoodooda sare u qaadi donan dhinaca kalena ay shegaan in falalkii ay budhcadu sameyn jirtay hoos u dhacaan.

Darsiga kowaad waxaa jeediyay Dr Siciid Cali Shirre wuxuuna ka halday mowduuc xidhiidh la leh mowduucyadii baxay maalintii shalay ahayd oo ka hadlyay khilaafaadka iyo asalkooda, taariikhda khilaafaadka iyo sida looga hortagi karayo khilaafkaadka.

Dr Siciid Cali shire waxa uu ka hadlay in nidaamka iyo sida uu dadka u hagi karayo dadka hadii ay yeeshaan nimaad u gaar ah oo iyaga si gaar ah ay u diyaar gareystaan ama ay u qorsheystaan, waxa uu dhinaca kale tilmaamay in dadka asalkoodu uu khilaafku ku abuuran yahay balse waxa la awoodaayi ay tahay in hoos loo dhigo khilaafka ama la xakameeyo lana diraaseeyo asalka khilaafku halka uu ka yimid.

Dr Siciid waxa uu sheegay in khilaafaadka qaabka loo xaliyaa ay tahay diraaso wakhti lagu lumiyo barashadeeda arintaana ay tahay waxa looga gol leeyahay in khilaafaadka iman kara mustaqbalka si hoos loogu dhigo khilaafka .

Intaa kadib waxaa dariga qeybtiisa labaad qaatay Sheekh C/qani Xuseen oo ka hadlay mowduuc ciwaankiisu ahaa habka dadka dhexdooda looga dhaliyo heshiis waara .

Sheekh C/qani Xuseen waxa uu carabka ku adkeeyay in heshiiska la doonayaa in dadka laga dhex dhaliyo ay ugu horeyso in marka hore Diinta dhinaceeda arintaa laga soo diraaseeyo iyo Sunadda Nabiga CSW iyo Culimadii Salafka waxa ay arimahaas ka yidhaahdeen.

Waxa uu Sheekh C/qani Xuseen tilmaamay in heshiiska dadka laga dhex dhalinayaa ay tahay mid loo bahan yahay in dhinac badan wax laga qiimeeyo lana ogaado dhinac walbaa waxa uu tabanayo si xalkiisa  loo ogaado .

Sheekhu waxa uu tilmaamo ka bixiyay waxyaabaha loo baahan in laga ogaado labada dhinac ee heshiiska laga dhex dhigo ay lagama maarmaan tahay in marka hore la ogaado qodobada uu ku dhegan yahay si meel dhexe wax la isugu keenaan.

Qeybta labaad ee Siminaarka ayaa la galay dood u dhaxeysay ka qeyb galayaasha , Simineerka ayaa lagu wadaa in la soo gunaanado duhurnimada maanta waxaana labadii maalmood ee uu socday casharo ka soo jeediyay Dr Saadaq Eenow , Dr Siciid Cali Shirre , Sheekh C/qani Xuseen Gudoomiyaha Xarunta Beder iyo Sheekh Axmed Cabdisamed Cabdulle , waxana lagu wadaa in shahaadooyin la gudoonsiiyo ka qeyb galayasha Siminaarka intii uu socday.

Siminaarkan ayaa ah kii ugu horeeyay ee caynkan ah oo ay Xarunta Diraasaadka Mustaqbalka iyo talo bixinta uu ku qabto Magaalada Boosaaso ee Xarunta Gobolka Bari.

Siminaarka waxaa casharo kala duwan ka soo jeediyay Dr Saadaq Eenow iyo Sheekh Axmed Cabdisamed Cabdulle ,ugu horeyn waxaa halka casharka koowaad ka soo jeediyay Dr Saadaq Eenow ka hadlay tariikhda khilaafaadka Soomaaliya iyo waxyaabaha keeni jiray khilaafkooda.

Dr Saadaq waxa uu dhanka kale soo hadal qaaday in khilafaadu ay intooda badan salka ku heyn jireen xoolaha la kala dhoco , Dhan kale waxa uu ka Hadley in dhibaatooyinkaasi ay ahaayeen kow soo taxani ahaa ilaa ay gaadheen heer meel adag mararka qaar ay gaadho.

Sidaa oo kale waxa uu Dr Saadaq soo hadal qaaday in khilaafku uu yahay mid xagga Alle ka qoran balse waxa la doonayaa ay tahay in khilaafkaasi uusan gaadhin meel adag ama dhibaato joogta ah ay ka dhalato ama sababa.

Dr Saadaq waxa uu xusay in waxa laga doonayaa ay tahay in si wada jir ah looga wada qeyb qaato xal u helidda mushkilada dabada dheeraatay eek u habsatay bulshada Soomaaliyeed qeybaheeda kala duwan.

Dr Saadaq waxa uu casharka ku soo gaba gabeeyay dhowr qodob oo talooyin iyo tusaaleyn ah oo dhamaantood la xidhiidha sida halka loogu heli karo dhibaatada dabada dheeraatay ee haysata bulsho weynta Soomaaliyeed .

Darsiga Dr Saadaq kadib waxaa harsiga labaad Sheekh Axmed Cabdi Samed Cabdulle waxaanu ka hadlay mowduuca labaad oo halku dhigiisu ahaa khilafaadka iyo loolanada heysta bulshada Soomaaliyeed.

Sheekh Axmed waxa uu tilmaamo kala duwan ka bixiyay khilaafka asalkiisa waxa uu yahay iyo kan Somaaliya heystaa waxa uu yahay waxaanu is barbar dhig ku sameeyay colaadihii hore ee Soomaaliya ka soo jiri jiray iyo waxa ay kuwa hadda uga duwan yihiin kuwii xiligaa .

Sheekh Axmed waxa uu carabka ku adkeeyay in khilaafka Soomaalidu intisa badan uu salka ku heyn jiray xoolo la kala dhoco ama aano qabiil balse waayadii dambe ay arintaasi dhinaca kale isku rogtay dhibaataduna intii hore ay ka badatay.

Sheekh Axmed waxa uu xusay in waxa la doonayaa ay tahay in si guud looga wada qeyb qaato xal u helida bulshada iyo sidii looga saari lahaa codaaldaha iyo dira dirada dhex taala arinkaana uu keenayo in wax badan xaalada laga qabto.

Guud ahaan labada mowduuc ee ay ka kala hadleen Dr Saadaq Eenow iyo Sheekh Axmed Cabdisamed Cabdulle ayaad moodaa in xoogaa ay iska ag dhawaayeen ,wuxuuna soo gaba gaboobay Siminaarku 10:00 barqanimo iyadoo qeybtiisa labadna ay noqotay dood dhex martaysay ka qeyb galayaasha Siminaarka.

Siminaarkan ayaa noqonaya kii ugu horeeyay ee caynkiisa oo kale ah ee Xarunta Beder ee Diraasaadka Musaqabalka iyo talo bixinta uu ku qabto Magaalada Boosaaso ee Xarunta Gobolka Bari, waxaana lagu wadaa in maalinta bari ah uu si rasmi ah u gaba gaboobo.