Hey’adda Culimada Soomaaliyed ayaa wax laga xumaado ku tilmaantay hadalada ad adag ee ka imanaya DKMG ah ee la xidhiidha aragtida ay dadku ka muujinayaan dastuurka cusub ee lagu wado in cod loo qaado wakhtiyada soo socda.
Af hayeenka Hey’adda Culimada Soomaaliyeed Sheekh nuur Baaruud Gurxan oo la hadlay Idaacadda Shabelle ee Magaalada Muqdisho ayaa sheegay in hadalkada ka so baxaya Mas’uuliyinta ku hadlaya magaca DKMG ah ee Soomaaliya ay yihin kuwo u muuqda in dadka la khasbayo, wuxuuna dhinaca kale sheegay in Hey’adda Culimadu ay guud ahaanba ka hor imaneyso dastuurka cusub oo u muuqda mid waxyaabo badan oo khaldani ku jiraan.
Waxa uu Shekh Nuur Baaruud carabka ku dhuftay in hadalada DKMG ah ka imanaya qaarkood loo arkayo in ay yihiin kuwo dano gaar ah laga leeyahay dastuurkuna uu yahay wax dad ay qoreeen balse uusan ahayn Kitaab Muqadas ah.
Sheekh Nuur waxa uu tibaaxay in hadafka DKMG ah ee Somaliya uuna ahayn in ay dumuso DKMG ah balse ay tahay waajib saran in dadka Soomaaliyeed ay uga digto wixii dhibaato ah ee ku imanaya .
Hey’adda Culimada Soomaaliyeed ayaa mar sii horeysay gaashaanka ku dhufatay qabyo qoraalka dastuurka cusub ee DKMG ah ay dooneyso meel marintiisa waxa ugu weyn ee ay Hey’adda Culimadu ku diiday ayaa ah in dastuurku uu ka hor imanayo Diinta Islaamka iyo dhaqanka suuban ee soo jireenka ahaa ee Soomaalida lagu yaqaanay

Related posts: