Maleeshiyaad boob u geystay dad barakacayaal ah oo maanta la soo qabqabtay

Published on September 1, 2011 by SomaliMirror   ·   2 Comments   ·  

Xoghayaha Maamulka Gobalka Banaadir ayaa maanta sheegay in ciidamada DKMG ah ay soo qabqabteen maleeshiyaad dhowaan dhac u geystay dad barakacayaal ah oo ku sugan qeybo ka mid ah degmada Wadajir ee magaalada Muqdisho.

Maleeshiyaadkaasi caadeystay boobka gargaarka loo sido dadka tabaaleysan ayaa lagu so qabtay hawlgal  ay sameyeen ciidamada DKMG ah, wuxuuna hawlgalku ka dhacay xaafada Siliga ee Degmada Wadajir ee gobalka banaadir.

Cabdi Kaafi Hillowle Cismaan oo ah xoghayaha maamulka Gobalka Banaadir oo warbaahinta la hadlay ayaa sheegay in maleeshiyada ay soo qabteen ay yihiin labo nin oo ku hubeysnaa qoryaha fudud isla markaana sitay dharka tuutaha DKMG ah wuxuuna sheegay inay u gudbinayaan maxkamadaha ku shaqada leh.

Dhawaan ayay aheyd markii ciidamada dowlada ay soo qabteen askar ka tirsan Dowlada KMG Soomaaliya kuwaasi oo la sheegay dhac ka geysteen goob dad barakacayaal ah deeq lagu gaarsiinayay, waxaana hore DKMG u sheegtay inay dil toogasho ah ku fulinayso cidii lagu soo qabto iyadoo boobaysa dadka barakacayaasha ah.

Related posts:

1. Ciidamada DKMG oo dad ka qabqabtay xaafado ka tirsan degmada Wadajir
2. Ciidamo Itoobiyaan ah oo boob ka geystay Degmada Ufurow ee G/Bay.
3. Dab khasaare geystay oo maanta ka kacay Xero ay ku noolaayeen Barakacayaal oo ku taalla Boosaaso
4. Maamulka gobalka Banaadir oo hoteelada Muqdisho ka mamnuucday in lagu qabto shirar maamulku ogeyn
5. Ciidamada DKMG ah oo dad rayid ah dil & dhaawac u geystay