Hey’adda Islaamiga ah ee Gargaarka oo sheegtay in ay kaalmooyin gaadhsiin doonto Gobolada Koonfueed ee Dalka Soomaaliya

Published on May 31, 2011 by Somalimirror   ·   No Comments   ·  

Hey’adda Islaamiga ee gargaarka  Caalamiga ah ayaa qorsheynaysa in ay kaalmooyin Bini Aadaninimo gaadhsiin doonto shacabka Soomaaliyeed ee ku dhaqan Gobolada Koonfureed ee Dalka iyadoo kaashaneysa Ururka Wadamada Islaamka  xafiiskii ku yaala magaalada Muqdisho si uu gar gaarkaas u gaadhsiiyo dadka ay dhibaatooyinka heystaan .

Hadalkan ayaa yimid kadib markii uu xoghayaha guud ee Hey’ada Islaamiga ah ee Gargaarka  Dr Cadnaan Bin Khliil Basha uu xafiiskiisa ku qaabilay u qeybsanaha arimaha siyaasada iyo xidhiidha Ururka Wadamada Islaamka Cataa Manan ,wuxuuna xoghayaha Hey’addu sheegay in ay diyaarinayaan sidii ay kaalmooyinkaa ugu wareejin lahaayeen Ururka Wadamada Islaamka .

Xoghayaha Hey’adda Islaamiga ah ee Gargaarka ayaa tilmaamay in kaalmoyinkaa ay isku jiraan cuno dhar iyo dawooyin iyo cunooyinka  lagula talaaco dadka ay nafaqo darada heysto oo intooda badani ay yihiin caruurta da’doodu u dhaxeyso 2- 11 sano.

Dhanka kale Ururka Wadamada  Islaamka ayaa balan qaaday in kaalmooyinka loo wakiishay uu gaadhsiin doono dadka loogu talagalay ayna si siman ugu qeybin doonaan ,waxa uu Xafiiska Ururku ku leeyahay Magaalada Muqdisho mar ii horeysay qeybiyay kalamooyin Bini Aadaninimo.

Hey’ado kala duwan oo Islaami ah ayaa howlo gar gaar ka wada Gobolkada Koonfureed ee dalka waxaana hey’adaas ka mid ah Manhal iyo Hey’adda Gar gaarka , waxaa sidoo kale jira Hey’ado yar yar oo ka wakiiil ah hey’ado kale oo dalka ka baxay kuwaas oo dhaq dhaqaayo ka wada gobolada Koonfureed ee Dalka.

Diyaarin & tarjumid- Abdulrahmaan yare

Related posts:

1. Shirka lagaga hadlayo Arimaha Dalka Soomaaliya oo lagu wado in uu maanta ka furmo Dalka Turkiga
2. Dhibaatooyin Abaaro & Cuduro leh oo ka jira Deegaano badan oo ka tirsan Gobolada Dhexe ee Dalka Soomaaliya
3. Warbixin:- Sidee looga Arkay Bisha Ramadaan loogana Sooman yahay Maanta Gobolada Dalka Soomaaliya?
4. Baaq ku aadan Abaaraha ku dhuftey Gobolada Dalka.
5. Maamulka Islaamiga ah ee Gobolada Bay & Bakool oo Culimada ugu baaqey inay Umada Hogaamiyaan.