Wararka naga soo gaaraya degmada Garbahaarey ee xarunta gobalka Gedo ayaa sheegaya in dad tobaneeyo ruux oo u badan dhalinyaro xaley iyo shaley ay ku xirxireen ciidanka DKMG oo shaley qabsaday magaaladaasi.
Inkastoo xaalada magaalada ay degan tahay ayaa waxaa jirey hawlgalo ay xaley iyo shaley magaalada ka wadeen ciidanka DKMG iyo kuwa ururka Ehlu suna ee qabsaday magaalada, waxaana dad deegaanka jooga ay sheegeen in ku dhowaad 10 ruux ay xireen ciidamada.
Lama oga sababta dadkaasi loo xirxirey balse dadka eheladooda ah ayaa cabasho ka muujiyey shaki dadka loo xirxirayo iyadoo lagu eedeynayo inay taagerayaal u ahaayeen Xarakada Al Shabaab.
Dhanka kale odayaasha deegaanka Garbahaarey oo maanta idaacadaha la soo xiriirey ayaa iyaguna ka cawday dil loo geystey 3 ruux oo midkood wiil yar ahaa oo labo ruux lagu dilay gudaha Garbaaharey midna lagu dilay tuulo Barwaaqo sacaadihii la soo dhaafey.
Odayaasha ayaa ka codsadey saraakiisha ciidanka DKMG hogaamisa inay dadka rayidka ah ee deegaanka ku nool ay badbaadiyaan oo aysan u dhibaateyn tuhun iyo wax aan la huibin sidey sheegeen.

Related posts:
Allahumma laa shamaata.
Yaa ku cibra qaadanaya waxaan ka digaynay?
Haa waa dhib in ladilo dad aan wax galab sanin oo digan digaan kooda iyagoo loogu eedaynayo waxa aan ka warqabin sida siyaasada u dhaxaysa labo xubnood