Ceelbuur oo laga mamnuucay baabuurta muraayadaha madow

Published on February 28, 2011 by SomaliMirror   ·   No Comments   ·  

Maamulka degmada Ceelbuur ee gobalka Galgaduud ee ayaa meelmariyey go’aan lagu mamnuucay baabuurta leh muraayadaha madow ee ku sugan gudaha degmadaasi sababo dhanka amaanka darteed.

Amarkan  ayaa maamulka degmada Ceelbuur wuxuu soo saaray kadoib markii ay soo bteen kooxo lagu sheegay budhcad badeed oo si dhuumaaleysi ku soo gala deegaanada xeebta ee Galgaduud kadibna hub iyo waxyaabaha maanka dooriya ku soo daabula deegaanka, waxaana go’aankaasi lagu wargeliyey baabuureyda deegaankaasi.

Dadweynaha ayaa sheegay inay soo dhoweynayaan amarkaasi baabuurta muraayadaha madow ee aan la aqoonsan karin cidda saaran inay soo galaan magaalada Ceelbuur taasoo ay sheegeen in amaanka ay ka qeybqaadaneyso.

Sidoo kale maxkamada degmada Ceelbuur ayaa sheegtay in cidii lagu helo inay amarkaasi jebisay laga qaadi doono talaabooyin kay ka mid yihiin xarig iyo ganaax islaa markaana aan la ogolaan doonin arinkaasi.

Amarkan ayaa ah midkii ugu horeeyey ee degmada Ceelbuur laga dhaqangeliyo kaasoo la sheegay inuu qayb wayn ka qaadanayo xagga nabadgelyada.

Related posts:

1. Kulan looga hadlay dayactirka Goobaha Danta guud ee M.Ceelbuur oo halkaa ka dhacay.
2. Askari ka mid ah Ciidamada Amaanka Af-madow oo Xukun Tacsiir ah lagu fuliyay
3. Maamulka Afgoye oo Mamnuucay in Qaadka lagu iibiyo Gudaha Degmadda
4. Maxkamada Shabaab oo degmada Ceelbuur ka fulisay xukun gacangoyn ah
5. Maamulka Al shabaab ee Degmada Bu’aale oo Mamnuucay Daawashada Ciyaaraha Koobka Aduunka