Culimada iyo waxgaradka gobolka Sool oo baaq nabadeed ka soo saaray colaadda ka oogan deegaanka Kalshaale

Published on February 13, 2011 by Somalimirror   ·   No Comments   ·  

Waxaa maanta soo gaaray shabakadda warbaahinta Somalimirror baaq nabadeed oo ay magaalada L/caanood ka soo saareen culimada iyo waxgaradka gobolka Sool, kaas oo ay ku muujiyeen sida ay uga xunyihiin colaadda taagan, ayna ku baaqeen in xabbad joojin la sameeyo, lana kala fogeeyo ciidamada is hor fadhiya, ka dibna la isugu yimaado shir khilaafka lagu xallinayo. Baaqii culimada iyo waxgaradkuna wuxuu u qornaa sidaan:

 

  Baaq nabadeed

      Laascaanood 13/02/2011 

Mahadoo dhan Alle ayey u sugnaatay, nabad iyo naxariisna nebiggeenna korkiisa ha ahaato, intaas ka dib:

 Sida la ogsoon yahay waxaa beryahan danbe gobollada dalka ka jira dhibaatooyin kala duwan sida colaado iyo abaaro saameeyey degaanno badan, meelaha qaar abaarihii waxaa ugu darsamay colaado, sida aagga Kalshaale iyo nawaaxigiisa oo dhowaan dagaal fool xumi ku dhex maray dad walaala ah oo uu ka dhexeeyo dhaqan iyo dhiigba, kaasoo sababay khasaare baaxad weyn oo isugu jira naf iyo maalba.

 Haddaba culimada iyo waxgaradka gobolka Sool markay qiimeeyeen xaaladda colaadeed iyo abaareed ee ay ku sugan yihiin degaannadaasi, waxay soo saareen baaq ay nabadda ugu baaqayaan dhinacyada dirirtu ku dhexmartay Kalshaale iyo nawaaxigeeda, welina is hor fadhiya, waxayna soo jeedinayaan arrimahan soo socda:

 1-         Waxay culimada & waxgaradku aad uga xun yihiin dhibkaas dhacay ee ku soo aaday xilli dalka abaaro ba’ani ka jiraan,iyo dhibaatooyin kale oo badan waxayna tacsi u diraan dhammaan dadkii dhibku soo gaadhay, iyagoo Alle u weyddiinaya inuu kii dhintay u naxariisto, kii dhaawacan bogsiiyo, dadkii laga dhintay samir iyo iimaan ka siiyo.

 2-         Waxaan ku baaqaynnaa xabbad joojin deg deg ah oo aan shuruud lahayn.

 3-         In la kala fogeeyo ciidammada is hor fadhiya.

 4-         In la isugu yimaaddo wadahadal nabadeed oo lagu soo afjarayo mushkiladdii meesha ka dhacday.

 5-         Guud ahaan waxaan ku baaqaynnaa tawbad keen Alle xaggiisa loo cararo, la is cafiyo, roob doonna la samaeeyo, si Alle noogu naxariisto.

 6-         Waxaan ku boorrinaynnaa dadka walaalaha ee Soomaaliyeed inay sameeyeen isu  gurmad dhexdooda ah, ayna laban laabaan dedaalka iskaalmaynta ah ee ay u fidinaynayaan dadka iyo xoolaha abaaruhu saameeyeen.

 Allaha weyn waxaan weyddiisanaynnaa inuu dhibkan naga qaado, colaadda iyo abaarahana noogu beddelo nabad iyo barwaaqo, aamiin

 Magacyada culimada & waxgaradka soo saaray baaqan

 1-      SH.C/naasir X.Axmed Yuusuf

2-      SH.Axmed Maxamed Suleymaan

3-      SH. Cali Mucallim Xasan

4-      SH.Maxamuud Diiriye Cilmi

5-      SH.Maxamuud Maxamed Maxamuud

6-      SH.Aadan Cilmi Saciid

7-      SH.Aadan C/raxmaan Xuseen

8-      SH.Saciid Axmed Cadar

9-      SH.C/naasir X.Maxamed

10- SH.Xasan Maxamed Bootaan

11-SH.Aadan Cali Nuur

12- Saciid Cabdi Ducaale

13- SH.Maxamuud Salaad Warsame

14- SH.Yuusuf Haybe Ibraahim

15- SH.Daahir Khaliif Jaamac

16- C/razaaq Maxamed Warsame

17- C/llaahi Ciise Oog

18- C/llaahi SH.Cali Macallim

19- C/naasir Maxamed Barre

20- SH.C/llaahi X.Axmed

21- SH.C/rashiid X.Axmed

22- SH.C/llaahi Maxamuud Cali Maahir

23- SH.Jaamac Maxamed Cusmaan

24- SH.C/rashiid Yuusuf Maahir

25- SH.Maxamed SH.Aadan C/raxmaan

26-   SH.Maxamed Maxamuud Faarax

27-   SH.Cali Aadan Dalmar

28-   SH.Maxamed Xirsi Maxamed

29-   SH.Axmed Maxamed Maxamuud

30-   Axmed C/raxmaan Cali

31-   Maxamed c/raxmaan Cali

32-   C/qani Cali Dhuux

33-   C/rashiid Jaamac Biixi

34-   C/qani Awdaahir X.Xasan

35-  Crisaaq Cali Xuseen

No related posts.