DKMG oo maanta sheegtay inay ka baxday hishiiskii ay la gashay shirkada Saracen

Published on January 29, 2011 by SomaliMirror   ·   No Comments   ·  

DKMG ee Soomaaliya ayaa maanta ku dhawaaqday inay xiriirka u jartay shirkadda Saracen International oo ay dawladu horay hishiis ula gashay kaasoo ku saabsan arimaha amaanka iyo tababarida ciidanka DKMG ah.

Wasiirka Warfaafinta Xukuumadda KMG Soomaaliya  C/kariin Xasan Jaamac ayaa maanta  sheegay in ka dib fadhi ay yeesheen golaha wasiirada DKMG la go’aansaday in dawlada ay burburiso  hishiiski ay la gashay Saracen taasi oo  wasiirku si caddaan ah u sheegay maanta.

Wasiirka  ayaa sheegay in go’aanka golaha wasiirada ay ka qaateen shirkada Saracen ee ka dambeysay ka dib markii guddi gaar ah oo loo saaray hishiiska shirkadaasi ay ku tala bixiyeen in hishiiskaasi uusan wax dan ah u keeni karin DKMG sidaasi darteed dawlada ay isaga baxday.

Sidoo kale wasiirka ayaa intaasi ku daray in hishiiska Saracen uulugaha la ga;lay shirkado Ameerikaan ah oo sirdoon ah kuwaasoo ku soo hoosgabanaya shirkadan arintaasi ay kicin karto dareenka dadka Soomaaliyeed.

Arintan ayaa ku soo beegmeysa xili Baarlamaanka KMG ah dhawaan ka soo horjeestay hishiiskaan dhex maray Saracen iyo dawlada TFG iyadoo golaha barlamaanka ay si aad ah u dhaliileen mugdiga ku jiray hishiiska.

Waxaana hishiiskan ilaa hada aan la cadeyn cida u saxiixday dawlada TFG ka dib markii ay isku riixeen masuuliyiinta DKMG mid walibana uu iska diiday inuu isaga galay.

Sidoo kale aqoonyahano kala duwan oo ka hadashay arimaha hishiisyada DKMG xilgan la galayso shirkadaha shisheeye ayaa ku micneeyey kuwio dhibaato u keeni kara wadanka maadaama xukuumadani tahay KMG isla markaasina aan la damaanad qaadi karin hawsha shirkadahani dalka ka qabanayaan oo ummada waxyeelo u keeni kara.

Related posts:

1. DKMG oo ka hadashay heshiis la sheegay in xukuumadii hore la gashay shirkad ajnabi ah
2. Ciidamada Xisbul Islaam oo galay Magaalada B/Weyne & DKMG ah oo Sheegtay inay Xeelad uga baxday.
3. Dawlada Puntland oo sheegtay inay xiriirkii ka furatay DFKMG
4. Xukuumada KMG oo sheegtay inay baarayso tayada badeecadaha ka soo dega dekeda Muqdisho
5. DKMG oo Sheegtay inay Soomaaliya gaareen Xubno kamida Al-qaacida.