Madaafiic xalay illaa saakay lagu garaacayo qeybo ka mid ah Muqdisho

Published on November 30, 2010 by SomaliMirror   ·   No Comments   ·  

Madaafiic culus ayaa xalay illaa saakay waxay ka socotaa qeybo ka mid ah xaafadaha magaalada Muqdisho, iyadoo daryanka madaafiicda saakay si weyn looga maqlayo magaalada.

Illaa 4 ruux ayaa illaa hada la soo xaqiijiyey inay ku geeriyoodeen xaafado kamid ah Kaaraan iyo Yaaqshiid ka dib markii ay ku habsadeen qoryaha waaweyn ee magaalada ay ku garaacayaan ciidamada shisheeye ee Amisom.

Meelaha illaa xalay madaafiicdu ku hoobaneysay waxaa ka mid ah degmooyinka Kaaraan, Yaaqshiid, Hawlwadaag, Hodan iyo agagaaraha suuqa weyn ee Bakaaraha.

Goobaha madaafiicdu ku dhacayso ayaa ah meelo aad uga durugsan goobaha ay dagaaladu ka dhacayaan taasoo muujineysa in madaafiicda ay ku dhacayso goobo rayid ku nool yahay.

Gaadiidka gargaaeka degdega ayaa dhaawacyada u qaaday isbitaalada, waxaana  ilaa xalay dhaawacmay ilaa 7 qof oo rayid ah.

Duqeyntan ilaa saakay ka socota Muqdisho ayaa ku soo aaday iyadoo raisul wasaare Farmaajo uu sheegay inuu gudagalayo waxqabadka xukuumadiisa ee boqolka maalmood ee ugu horeysa.

Related posts:

1. Madaafiic khasaare dhalisey oo lagu garaacey qeybo ka mida Muqdisho.
2. Ciidamada Gumeysiga Itoobiya oo Xalay Baaritaano ka sameeyay qeybo ka mid ah degmada Dayniile ee M/Muqdisho
3. Qasaare ka dhashay Madaafiic ku dhacday Deg. Xamarweyne ee Magaalada Muqdisho.
4. Khasaare ka dhashay madaafiic maanta lagu garaacay degmada Kaaraan
5. Khasaare ka dhashey Madaafiic Muqdisho lagu garaacey