Khasaare ka dhashay madaafiic maanta lagu garaacay degmada Kaaraan

Published on November 28, 2010 by SomaliMirror   ·   No Comments   ·  

Waxaa sii kordhaya tirada dadka shacabka ah ee ku geeriyooday iyo kuwa ku dhaawacmay duqeymo xaley illaa saaka ka socday qeybo ka tirsan degmooyinka magaalada Muqdisho.

Inta la og yahay 5 ruux ayaa ku geeriyootay 9 kalana way ku dhaawacmeen illaa xaley duqeymo kala gedisan oo ku dhacay xaafado ka mid ah Juungal iyo Sanca  oo ka tirsan degmooyinka Kaaraan iyo Yaaqshiid.

Dad ku sugan xaafadahaasi ayaa noo sheegay in madfac ku dhacay isgooska Sanca oo ku dhacay goob meherad laga cunteeyo ah ay ku dhinteen illaa 3 ruux halka 6 kalana ay ku dhaawacmeen. Waxaana dadkasi ku jira dad ka shaqeynayey baarka.

Sidoo kale madaafiic ayaa haleeshay xaafado ka mid ah degmooyinka Hodan, Hawlwadaag, Shibis iyo Boondheere oo inta badan madaafiicdu ku dhacdo, kuwaasoo geystey khasarooyin kala duwan.

Ciidamada Amisom ayaa saaka madaafiic xoogan ku tuurayey magaalada xilligaasina ma jirin wax dagaal ah oo ka socday magaalada.

Saaka waaberigii ayaa dagaal goosgoos ah waxaa uu ka dhacay agagaarka hotelka Jubba inkastoo markii dambe uu joogsaday dagaalkaasi.

Related posts:

1. Madaafiic khasaare gaysatay oo lagu garaacay Degmooyinka Yaaqshiid & Kaaraan
2. Madaafiic khasaare geysatey oo Muqdisho lagu garaacay.
3. Xaafado ka mid ah Degmooyinka Howlwadaag ,Wardhigley iyo Hodan oo maanta madaafiic lagu garaacay .
4. Khasaare ka dhashay Madaafiic Ba’an oo ku socota Hodan & Howl-wadaag.
5. Madaafiic lagu garaacay Warshada Baastada