Dagaal ku dhex maray agagaarka Tuulada Xariirad Ururka ONLF iyo Ciidamada Booliska Gaarka ah ee Deegaanka Soomaalida Itoobiya

Published on September 15, 2010 by Somalimirror   ·   No Comments   ·  

Dagaal xoogan ayaa abaaro 9:30 waxa uu ka bilowday  Xuduuda Gobolka Owdal iyo Dhulka Soomaaligalbeed wuxuuna dagaalkaasi u dhaxeeyaa Ciidamada Booliska Gaarka ah ee Deegaanka Soomaalida Itoobiya iyo Ururka ONLF .

Dagaalka ayaa ahaa mid aad u xoogan kuna baahay deegaano ka baxsan halka lagu dagaalamayay wuxuuna dagaalkaa badankiisu ka dhacay agagaarka Deegaanka Xariirad ee Gobolka Owdal.

Khasaaraha Dagaalkaa ka dhashay ayaa ah mid labada dhinac kala gaadhay ,wuxuuna Wariye ka tirsan Somalimirror oo ku sugan Dhulka Somaligalbeed sheegay in dagaalka khasaarihiisu uu yahay mid sii kordhaya una badan yahay dhanka ONLF.

Ciidamada Ururka ONLF ee dagaalku uu ku qabsaday Deegaanka Xariirad ayaa 9-kii bishan kasoo amba baxay Dalka Eritrea oo ay ku soo dhameysteen tababar waxayna 10-kii bashan  soo gaadheen Xeebaha Gobolka Owdal,wuxuuna Wariyuhu sheegay in  ciidankaa ayaa dooni ay ka soo raaceen Eritrea ay uga dageen halka lagu magacaabo Bula cadde oo dhaxaysa Magaalooyinka Saylac iyo Lug haya.

Ma jiraan warar madax banaan oo sheegaya khasaaraha rasmiga ah ee kala gaadhay labada dhinac ee uu dagaalku u dhaxeeyo waxaana adag sida xidhiidh halkaa looga sameyn karo isagaadhsiinta oo aan gaadhsiisaneyn halka uu dagaalku ka socdo owgeed

Warar laga helayo Deegaanka ayaa sheegaya in ciidamo gurmad ah kana mid ah Ciidamada Booliska Gaarka ah ee Deegaankaa ay u ruqaansadeen goobta dagaalku uu ka socdo si ay u xoojiyaan ciidamada Booliska Gaarka ah.

Dagaalka ayaa qaboobay casar gaabadkii maanta ,waxayna Ilo Madax banaan oo u waramay Somalimirror oo ku sugan Magaalada JIgjiga ay sheegeen in uu dagalakaa iskii u soo gaba gaboobay.

Related posts:

1. Dagaal dadka deegaanka iyo ciidamada Itoobiya ku dhex maray Magalada Buuhoodle
2. Tuulada Al-xamdulilaahi oo uu dagaal ku dhex maray ciidamada Puntland & rag maleeshiyo ah
3. Dagaal Culus oo ay Diyaarado Dagaal ka qeyb qaateen oo Dhex Maray Xoogaga UWSLF & Ciidamada Gumaysiga Itoobiya.
4. ONLF oo dagaal ballaaran ku qaadday ururka UWSLF
5. Dagaal dhex maray xoogag UWSLF, iyo Ciidamadda Gumaysiga Itoobiya