Warbixin Sidii looga ciiday Magaalada Jigjiga ee Caasimadda Dhulka Somaligalbeed

Published on September 11, 2010 by Somalimirror   ·   10 Comments   ·  

Maalintimadii shalay ahayd ayay ahayd markii ay Bulshada ku dhaqan Magaalada Jigjiga ay isku yimaadeed 6:30 Aroornimo Musalaha Weyn ee ku dhex yaala Xarunta Kililka si ay halkaa ugu wada tukadaan Salaacada Ciida Ciidul Fidriga .

 Muuqaalka Dad weykaha iyo reryn reyntoodi

Dadka magaaladu waxa ay ahaayeen kuwo ku faraxsan Ciida sidoo kalena waxa ay isugu tahniyadeynayeen Ciid Mubaarak iyo erayo kale oo la mid ah taas waxaa sii dheeraa dadka oo si aad ah isku soo qurxiyay Rag ,Dumar iyo Caruurba waxayan dadku dhamaantod soo wada aadeen musalaha Ciida. 

Kadib Salaadda Ciida waxa ay dadku Sadaqooyin siinayeen dadka Masaakiinta ah ee dhibaateysan waxayna taasina muujineysay in dadku ay ku sugan yihiin xili la is xasuusto ama la caawiyo dadka dhibaateysan.

Caruurta iyo da’yarta kale ee Lab iyo Dhadig ayaa ku labasinaa dhar soo jiidasho leh waxaana wajiyadooda ka muuqday reyn reyn aad u heer sareysay.

 Farxadaa waxaa garab socday dadka ehelada isku ah oo is booqanayay isuguna tahniyadeynayay farxadda ciida.

 

Khudbadii Madaxweyneha DowladaDeegaanka Soomaalida ee Ciida

Madaxweynaha Deegaanka Soomaalida Cabdi Muxumed Cumar waxaa xiligaa loo magacaabay mudo hadda laga joogo 3 isbuuc oo wax dhiman ,

Khudbada uu Madaxweynuhu dadka u jeediyaya waxa uu ku soo koobay qodobo dhowr ahaa oo ay ka mid ahaayeen ,is caawinta bulshada dhex deeda ah Ciidan oo Deegaanka uga duwan ciidihii kale,Masjidka Jaamacaha ah ee laga dhisi doono Magaalada Jjigjiga iyo fariiin guud oo uu u diray ONLF gaar ahaan garabka wali xabadda ridaya.

Ugu horeyn waxa uu Madaxweynuhu u tahniyadeeyay Ummadda Muslimiinta ah guud ahaan wuxuuna si gaar ah ugu sii tahniyadeeyay Bulshada Reer Soomaaligelbeed oo dhamaantood muslim ah,wuxuna Alle uga bariyay in ay caafimaad ku ciidan cidan ciideeda kalena ku gaadhaan hormar, barwaaqo iyo nabad galyo buuxda,

Waxa uu wax kal tilmaamay Cabdi Muxumed Cumar ka duwanaanshaha Ciidan iyo ciidihii kale wuxuuna tilmaamay in ciidan tahay  mid xus gaar ah uleh wuxuuna ku shegay in ciidan ay si wada jir ah u wada ciideen rag ay xabad isla dhici jireen ciidan kahor waa Maamulka iyo walaalaha Ururka UWSLF iyo Garabka ONLF ee Nabadda qaatay oo ciidan tii ka horeysay ay colaad deegaanka ka jirtay hadana ay daba yaaqo sii tahay.

Cabdi Maxamuud Cumar waxa uu Musalaha ka sheegay in Dowladiisu ay dhisayso Masjidka ugu weyn gobolka ayna Masjidkaa wehlin doonaan Markasyo iyo Madaaris.

Khubadii Dr C/raxmaan Sheekh C/laahi Cumar “madani” uu ka jeediyay Masalaha Ciida

Dr C/raxmaan (madani) waxa uu ka mid yahay Culimada Soomaaliyeed waxayna Ciidan u ahayd ciid uga duwan kuwa kale. Taasi oo ahayd midii ugu horaysay ee uu ku ciido gobolka soomaali galbeed in ka badan 18 sano

 Dr-ka ayaa hadal baraarujin iyo wacyi galin ah ka soo jeediyay Musalaha weyn ee Magaalada Jigjiga ay ku ciideysay, wuxuuna halkaa ka soo jeediyay kalamad ku saabsaneyn in la xasuusto maalinta qiyaame .

Drka ayaa hadalkiisa ku xusay in qof kasta Maalinta Qiyaame Alle uu lahadli doono isaga oon isaga iyo alle u dhaxaynin turjumaan!, lana  weyn diin doono  kasokow rabigiisa iyo diintiisa,iyo nabigiisa, afar su’aalood oo kala ahaa Cimrigiisa iyo wixii uu ku bixiyay ,Dhalinyaronimadiisa iyo sidii uu ugu faa’iideysatay,Xoolihiisa sidii uu ku kasbaday iyo sidii uu ku bixiyay ,Cilmigiisa iyo wixii uu kaga camal falay qof walbaana laga doonayo in uu diyaarsado su’aalahaa afarta ah jawaabahooda ka hor inta uusan dhiman.

Dr-ku waxa uu sidoo kale ka hadlay Mas’uuliyadda iyo waxa ay tahay wuxuuna ugu horeyn sheegay in Mas’uuliyaddu ay tahay takliif ee aysan ahayd is sharfid, ayna tahay mid qof walba si gaar ah u saaran, hadana dadka Maamulka iyo Madaxda ah ay saaran tahay mid ka weyn tan dadka gaar gaarka u saaran loogana baahan yahay qof walba oo masuul ah in uu noqdo mid ku xisaabtama kana war haya su’aalaha uu Alle weydiin doono Maalinta Qiyaame . loogana baahanyahay inuu dadkuu masuulka u yahay uu xuquuqdooda  ugudo siduu sharciga alle u faray, una samafalo xag hadal iyo xag gacanba, rifqi iyo dabacsanaana uu kula dhaqmo, dhibka iyo mashaqadana uu ka daayo.

 Wuxuu kaloo digtoorku sheegay in maamulka looga baahanyahay inuu dadka isagu soo dhaweeyo, isagoo ku cilleeyay inuu dadku lamid yahay  duurjoogta oo kale umana soo dunmaan cidii aan soo dumin!

Dr-ku waxa uu ugu danbayn  ku amaanay Maamulka hadda ka arimiya Deegaanka Soomaaligalbeed oo ciiidda darteed u cafiyay Maxaabiis gaadheysa 700 oo maxbuus oo ku xidhnaa Xabsiga dhexe ee Magaalada Jigjiga ,wxuuuna arintaa ku tilmaamay mid dhanka saxda ah loo qaaday wax badana ay ka tareyso wada jirka iyo isu naxariisashada Ummadda wada nool.

Soo dhaweyntii ciida ee Ururka UWSLF

Uruka UWSLF waxa ay ciidan u ahayd mid uga duwan ciidaha kale waxayna dhamaan ciidihii la soo dhaafay Ururka ahaa mid colaad iyo dagaal ku jira in kastoo uu ku suganaa Gobolka hadana si weyn ulama ciidin dadkiisa ,waxyana ciidan ahayd midi ugu horeysay ee ay Ururka,Dowladda Deegaanka iyo shacabkuba si wada jir ah u ciidaaan waxana taas lagu tilmaami karaa warqad cusub oo gobolka iyo dadka ku nool u furantay.

 Masuuliyiinta Ururka ayaa bulshadooda la wadaagay farxadda iyo damaashaadka Ciida .

 

Wada jir ayaa looga ciiday dhamaan Gobolkada Dhulka Soomaaligalbed

Sagaalka Gobol ee uu ka kooban yahay Dhulka Soomaaligelbeed iyo 52-kiisa Degmo ayaa maalintii shalay ahayd si wada jir ah looga wada ciiday waxayna taasi muujineysaa in  bulshadu ay tahay mid si wada jir ah u ciiday isuguna raacday.

Gobolada Deegaankaa ayaa kala ah:- AF dheer ,Dhagaxbuur, Fiiq,Jigjiga Godey,Liibaan,Qoraxay,Shiniile, Wardheer,

Ma jirin wax is khilaaf ah oo laga soo sheegay dhamaan goboladaa waxayna dadku dhamaantood isku raaceen maalintii shalay ahayd “Jimco” in ay tahay Maalinta koobaad ee ciidda.

 

 

Related posts:

1. Magaalada Boosaaso oo si wayn looga ciiday
2. Magaalada Qardho oo si wayn looga ciiday
3. Magaalada Boosaaso oo Saaka si weyn looga ciiday
4. Magaalada Garoowe oo Saaka si wayn looga Ciiday
5. Muqdisho oo Si weyn looga Ciiday.