Xagee marayaa dhismihii Markazka Dacwada Al-xikma ee Gaalkacyo.

Published on March 1, 2010 by Somalimirror   ·   6 Comments   ·  

Waxaa wali si habsami leh u socda dhismaha Markazka Dacwada Al-Xikma ee Magaalada Gaal-kacyo ee xarunta Gobolka Mudug, waxaana la dhagax dhigey 15/06/2009 ( Sawiro ).

Howl-wadeenada dhismaha Markazka waxey ku warbixiyeen Qorshaha gabagabeynta dhismuhu inuu ahaa inuu dhamaado dhamaadka sanadkii ina dhaafay ee 2009-ka.

Balse dibu dhacaas waxey ku sababeeyeen shaqada oo istaagtay intii u dhaxaysay bilihii September ilaa December, codsi uga yimid walaalaha kale ee shaqada qaybta ka ahaa, waxa uuna xilligan ku dhow yahey gebo-gebo ka dib markii dib howshii loo bilaabey, sida laga dheehan karo muuqaalka Sawirada.

Howl-wadeenadu waxey sheegeen in markii hore lagu qaymeeyey dhismaha Markazka $120,000, balse dib u habayn lagu sameeyey naqshada oo dhismaha qaybo muhiima oo sinaba aan looga maarmin lagu daray ayaa kharashkii waxaa ku kordhay $10,000.

Waxey sidoo kale sheegeen in Shirkada dhismaha wada ay u hartey lacag dhan $52.500.

Sidaa daraadeed waxey sheegeen dhamaan walaalaha khayrka jecel iney ugu baaqayaan dal iyo dibadba inay ka qayb qaataan dhameystirka dhismaha Markazka oo xilligan gebo-gebo ku dhow.

Related posts:

1. Xagee Marayaa Dhismaha Markazka Al-xikma ee Gaalkacyo
2. Warbixin:- Markaska Al-xikma ee dacwada iyo hanuuninta ee magaalada Gaalkacyo
3. Markazka Dacwada Soomaaliyeed ee Denmark oo $1467 Agoonta ugu deeqay.
4. Markazka Cusub ee Imaamu-Malik oo lagu furey Dowro Sharci ah.
5. Xaggee marayaa dhismaha Masjidka Al-Rawda ee Magaalada Boosaaso?