“Shirkada Telesom waa Damal hadhaweyn oo dadku hadhsado” Abwaan Gaariye
Published on February 28, 2010 by Somalimirror · 3 Comments · 
Maamulka iyo Golaha sare ee shirkadda Telesom ayaa 27th February, 2010 kulan ballaadhan la yeeshay saamilayda shirkadda (Shareholders).
Kulankaas oo ka dhacay Hotel Ambassador, ujeedadiisu waxa ay ahayd in warbixin dhamaystiran laga siiyo saamilayda xaalada ay shirkaddu ku sugan tahay, marxaladihii ay soo martay iyo guud ahaan mashaariicda kale ee ay shirkaddu ku hawlan tahay, sida ZAAD SERVICES, SALAAM FINANCIAL SERVICES, SOMGAS IYO LAAS-QORAY.
Ugu horayn waxa munaasibadaas ka hadlay Suldaan Maxamed Hassan Ibraahim oo ku hadlayay magaca maamulka shirkadda, isaga oo u caddeeyay saamilayda, in shirkaddu tan iyo intii ay jirtay horumar weyn ka samaysay dhinacyada adeegyada, dhaqaalaha, harumarinta shaqaalaha iyo dhulka ay shirkaddu gaadhay (Coverage), hadalkaasina waxa uu aad uga farxiyay dhammaan saamilaydii kulanka ka soo qaybgashay.
Maxamed Yuusuf Axmed (Alloore) oo ka tirsan golaha sare ee shirkadda (BOD-ka) ayaa isaguna hadalka dheer ka jeediyay kullankaas, waxaanu sheegay in shirkadda Telesom guulo waaweyn oo la taaban karo gaadhay wakhtigii ay jirtay.
Alloore waxa uu xusay in Telesom yeelatay baalal ama cago kale oo ay ku dhaqaaqdo, kuwaas oo ay ka mid yihiin adeegyada ZAAD, ILA HADAL, SOMGAS, LAASQORAY, IYO SALAAM FINANCIAL SERVICES oo hadda Maraykanka, Djibouti iyo 100 wadan oo kale ay shirkaddu ka wado.
Si kastaba ha ahaatee, Maxamed Alloore waxa uu saamilayda ugu bushaareeyay in mashaariic kale oo hadda cilmi-baadhistooda faraha laga qaaday la soo bandhigi doono, shacabka iyo saamilayda ay ka farxin doonaan.
Maxamed Isaaq Cilmi oo ah madaxa waaxda suuqgeynta iyo xidhiidhka dadweynaha, ayaa isaguna talooyin iyo dhiirigelin siiyay saamilayda, waxaana talooyinkiisii ka mid ahaa in saamilaydu ay ilaashadaan kana warhayaan xoolahooda, wixii talo iyo tusaalooyin ahna u soo gudbiyaan maamulka shirkadda.
Maxamed Isaaq, waxa kale oo uu saamilayda uga warbixiyay meelaha ay shirkaddu tabarucaadka iyo kaalmooyinka ka geysato, sida caafimaadka, warbarashada, kaabayaasha dhaqaalaha (waddooyinka iyo bridge-yada). Sidoo kale waxa uu Maxamed kulankaas kaga dhawaaqay in hadda ay shirkaddu wado barnaamijka ah in ay la wareegto gacantana ku qabato dhawr iyo soddan carruur ah oo aan hooyo iyo aabo lahayn, una badan agoomo, iyada oo ay shirkaddu kafaalo-qaadi doonto caafimaadkooga, waxbarashadooda iyo hoygooda.
Dhinaca kale, waxa iyaguna madasha hadalo guubaabo iyo talooyin ah ka soo jeediyay qaar ka mid ah saamilaydii kulanka ka soo qaybgashay.
Maxamed Xaashi Dhamac (Gaariye) oo ka mid ah saamilayda, ayaa ku tilmaamay Telesom, macalin, bulshada baray WAX-WADA-LAHAANSHAHA, waxaanu yidhi; “Telesom waxa ay dadka bartay in shuraako la noqon karo, waxna la wada-yeelan karo. Telesom waa damal hadhweyn oo dadku wada hadhsado.”
Sh. Khaliil C/laahi Axmed oo isagu ka hadlay madasha ayaa sheegay in Telesom ay noqotay meel lagaga dayan karo maamul wanaaga iyo horumarka.
Saamilaydii kale ee madasha ka hadlay waxa ka mid ahaa:
1. Siciid Yuusuf
2. C/laahi Baaruud Yuusuf
3. Maxamed Shukri
4. Cali Xaliye
5. Iyo Marwo Aamina Cismaan
Gabogabadii kulankaas waxa shahaadooyin la guddoonsiiyay qaar ka mid ah saamilayda shirkadda, shahaadooyinkaas oo ay ku mutaysteen “wada-shaqaynta, taageerada iyo talooyinka joogtada ah ee ay shirkadda la garabtaagan yihiin.”
Saamilayda shahaadooyinka la guddoonsiiyay:
1. Sh. Khaliil C/Laahi Axmed
2. Mustafe Aw Aadan Cabdalle
3. Maxamed Cismaan Garaad
4. Shukri Aadan Jaamac
5. Siciid Sh. Cumar
6. Sh. Cabdiqaadir Xaaji Jaamac
7. Cismaan Aadan Rooble
8. Foosiye C/Qaadir Xaaji Cilmi
Related posts:
- Shirkadda Telesom Hargeysa oo Qabatay Munaasabad ay ku Abaalmarinayso Qaar ka mid ah Shaqaalaheeda
- Shirkadda Telesom oo soo Bandhigtay Adeeg Cusub.
- Shirkada Isgaadhsiinta ee Golis Telecom oo Adeegeeda Gaadhsiisay Deegaano Cusub
- Xaflad lagu dhagax dhigayo Dhismaha Shirkada Somali Electric Power oo Maanta ka dhacday Magaalada Boosaaso
- Sh Axmed Islaam:“Qadiyada Kismaayo waa Qadiyad Sahlan oo u baahan in Caqligu ka taliyo oo Dadku Diintooda u noqdaan dhinacyada ay ka dhexeysana isaga yimaadaan”
Wariye ka tirsanaa Idaacadda Daljir oo maanta lagu aasay M. Gaalkacyo 
asw
maansha alaah alle ayaa mahad iska leh allaha barakeeya xoolaha cidii adeecda waxanu leenahay Telesom ku dedaala arimaha horumarka ah ee alle raaliga ka yahay si uu usii barakeeyo, xoolihiina hanakaga mashquulina daacada alle
“Maxamed Xaashi Dhamac (Gaariye) oo ka mid ah saamilayda, ayaa ku tilmaamay Telesom, macalin, bulshada baray WAX-WADA-LAHAANSHAHA, waxaanu yidhi; “Telesom waxa ay dadka bartay in shuraako la noqon karo, waxna la wada-yeelan karo. Telesom waa damal hadhweyn oo dadku wada hadhsado.”
Haddii uu aamisan yahay in wax la wadaagi karo muxuu maalin walba ula soo taagan yahay reer wanlawayn waxban ma wadaagi karno.
Shucarada Soomaaliyeed iyaga oo badi liita, Gaariye kuwa safka hoose ku jira ayuu ka mid yahay. Waa nin qabyaalad dishey oo weliba og beenta uu badi ka gabyo inaysan dhaafsiinayn aragti qabyaaladeed. Alla maxaa is yeelyeel ka muuqda Hargeysa.
Munaafiq ijtimaaci waaxid
hahahaha somali way hormari lehayd lakinse waxa kujirto uqdad ama somali naceb marka waligod intey waxaskujirto ma lebanayan