Qaar kamida Culimada Azhar oo kahoryimid dhismaha Madaaris Shiico.
By Somalimirror on 8 Feb, 2010 3:34 PM in Main, Wararka
Culimo katirsan Jaamacada Azhar iyo Mas’uuliyiinta daarta isku soo dhaweynta madaahibta Islaamiga ayaa ka horyimid Mashruuc lagu aasaasayo Maraakis lagu bixiyo Duruusta Shiicada oo lagu waday in laga sameeyo Dalka Masar arintaas oo uu iclaamiyey Hogaamiyaha Shiicada Dalkaas Axmed Raasim Nafiis.
Wakiilkii hore ee Azhar Maxmuud Caashuur hadana ah Madaxa Daarta isusoodhaweynta Madaahibta Islaamiga oo la hadlayey Shabakada Islamonline.net ayaa yiri:“Lama aqbali karo in halkan laga dhiso Maraakis lagu bixiyo duruusta Shiicada”.
“ogeysiinta Aasaasida Markaskan waa amar ku tacaluqa Masar oo ay ku taal Azhar Al-shariif, suurtagalna maahan in laga barbar dhiso Maraakis ka sheekeyneysa Shiicada iyo Shiicoobida” ayuu hadlkiisa siiraaciyey.
Sidoo kale Caashuur ayaa yiri:“ uma baahnin Maraakis waxsheeceysa oo Masar ka hirgasha, maxaayeelay waxaan jecelnahay Aalubeydka sida ay qabto diinteena Xaniifka ah”.
Dhanka kale Drs. Aamina Nasiir oo Caqiidada ka dhigta Jaamacada Azhar ayaa iyana sidoo kale ka hortimid qorshaha lagu sameynayo maraakistaas Shiicada Masar ama dowlad kale oo suniyaba waxayna sabab uga dhigtay inay doonayaan in aakhirka Shiicadu lawareegto Masar.
Daabaco
Fikrad ka dhiibo