Gudoomiyihii Gobolka Sool ee Maamulka Somaliland oo ku dhaawacmay qarax lala beegsaday

Published on January 28, 2010 by Somalimirror   ·   3 Comments   ·  

Gudoomiyihii Gobolka Sool u qaabilsanaa Maamulka Somaliland Faarax Askar  ayaa  ku dhaawacmay qarax barqanimadii maanta lala beegsaday ,wuxuuna qaraxaasi ahaa mid lagu qariyay meel u dhow guriisa oo ku yaala Magaalada Laascaanood.

Khasaaraha ka dhashay qaraxaa ah dhimashada hal Askari oo ka mid ahaa ilaalada Gudoomiyaha wuxuuna sidoo kale qaraxaasi meelo badan ka haleelay gudoomiyaha .

Dhaawaca gudoomiyaha ayay wararka qaarkood sheegayaan in loo sii qaaday dhanka Magaalada Burco , waxayna wararka lagu kalsoonaan karo sheegayaan in Gudoomiyaha lagu daweynayo Isbitaalka Magaalada ku dhex yaala .

Lama oga ilaa iyo hadda cida ka dambeysa qaraxa maanta lala eegtay Gudoomiyaha Gobolka Sool u qaabilsan Maamulka Somaliland , wuxuuna qaraxani ku soo beegmayaa 4 maalmood kadib qarax isla magaalada ka dhacay kaas oo ay ku dhinteen sida la xaqiijiyay afar Askari sidoo kalena ay ku dhaawacmeen tiro kale.

Qaraxan ayaa noqonaya kii labaad ee Magaalada Laacaanood ee Xarunta Gobolka Sool ka dhaca mudo 4  maalmood gudahooda ah , waxayna qaraxyadu u muuqdeen kuwo ku soo kordhayay Magaalada mudooyinkii ugu dambeeyay.

Qaraxayada ayaa u muuqda kuwo si gaar ah looga eeganayo xubaha Maamulka iyo Saraakiisha Ciidanka Somaliland ee sugan Laascaanood , ma jiraan ilaa iyo hada wax war ah oo ka soo baxay dhanka Maamulka Somaliland oo ay uga hadleen qaraxyada ku soo kordhaya Laascaanood

Related posts:

1. qarax ka dhacay M. Laacaanood oo lagu dilay Taliyaha aaga hore ee Somaliland
2. Gudoomiyaha Degmada Hodan oo qarax miino lala beegsaday
3. 2 Askari oo Ugandhiis ah oo ku dhimatay Qarax lala beegsaday
4. Qarax Khasaare Geystay oo lala beegsaday Ciidanka DKMG ah
5. Qarax lala beegsaday AMISOM & Shacab badan oo ay Xasuuqeen