Sh Maxamed Idiris oo Socdaal Dacwadeed ku tegay Koonfur Afrika
Published on January 13, 2010 by Somalimirror · 8 Comments · 
Waxaa Ilaaheey Mahaddii ah in uu Sh. Maxamed Idiris uu ku yimid Safar Dacwadeed wadanka Koonfur Afrika, Sheekhu wuxuu wadanka soo gaaray 5/1/2010, isagoo ka yimid wadanka Zambia, intiinii la socotay warbixinadii hore ee aanu ka soo gudbinay, maqaalkan gaaban waxaanu ku eegi doonaa nashaadaadka ilaa iyo hadda uu fuliyay sheekhu.
Ma aha booqashadani tii ugu horeysay ee uu wadanka ku yimaado sheekhu, oo tani waxay noqonaysaa tiisii lixaad ilaa iyo 2006; Sheekhu maalintii uu yimidba wadanka wuxuu bilaabay hawlihiisiii dacwo kuwaasoo run ahaantii ahaa kuwo ay bulshada Soomaaliyeed u oomanayd, isagoo kala hadlayay mar walbaba waxyaabo bulshada dan ugu jirto, isla ahaantaana xusuusinayay Ilaahooda, ka dibna sidii ay u noqon lahaayeen dad isku xidhan oo aan kala daadsanayn.
Sheekhu wuxuu ka hadlayay guud ahaan Khilaafka iyo waxyaabaha Keena, sideese looga hortagaa inta uusan imaanin, hadduu yimaadase sidee lagu xaliyaa.
Sababha kala geeya umadda
Waxyaabaha Fitnada looga Badabaado
Duruus laga qaadanayo Suuratul Xujuraat.
Mawduuca (sababaha kala geeya umadda) oo uu ka jeediyay Masaajidka wayn ee Imaamu Shaafici Johannesburg, sadex habeen oo isku xigta Arbaco, Khamiis iyo Jimco. Wuxuu si wayn oogu lafaguray in waxyaabaha kala geeya umadda ay ugu wayn tahay, Alle oo laga fogaado, Jahliga oo umadda ku bata, Qof Jeclaysiga, Is Maqal la’aanta, Isu garaw la’aanta; isagoo mar walbana saarayay daliilka ku haboon hadba qodobka uu marayo, waxaanan is leeyahay waxay ahayd muxaadaro loo baahnaa timidna wakhtigii ay ku haboonayd bulshadiina ay ka faa’idaysatay ilaa iyo haddana ay bulshadu isa sii waydiinayaan oo meelaha qaarkood markaad tagto aad arkayso in laga wada hadlayo. Wuxuu kaloo isla Masaajidka ka akhriyay khudbadii jimce oo ahayd hagaajinta Quluubta iyo in qofka acmaashiisu ay ka unkanto qalbigiisa, ayna haboontahay in qofku uu ku dadaalo hagaajinta iyo nadiifinta qalbigiisa, sida uu jirkiisaba u nadiifiyo oo uusan u jeclayn in wax wasakh ah lagu arko, wuxuuna qofku ku hagaajin karaa qalbigiisa isagoo Alle isku xidha isla markaana akhriya Quraanka si xiqdiga, xaasidnimada, nifaaqa, kibirka iwm, ay uga baxaan. Khudbadani waxay taabatay quluubta musaliintii ku soo tukatay Masaajidka Maalintaas oo kor u dhaafayay in ka badan 800 oo qof, waxaan Ilaaheey ka baryaynaa inuu miisanka xasnaadka oogu daro sheekha, inagana naga dhigo kuwa hadalka dhagaysta kiisa wanaagsanna qaata. Aamiin.
Wuxuu kaloo sheekhu Muxaadarooyin u soo jeediyay Dumarka Soomaaliyeed ee ku dhaqan Magaalada Johannesburg oo uu kala hadlay Dawrka Dacwada ay ku leedahay gabadha Muslimadda ah, kaasoo uu tusaalooyin dhawr ah ka tusiyay Saxaabiyaatkii Rasuulka scw iyo siday u gudan jireen dacwada. Waxaa kale oo uu u jeediyay maalintii Labaad Muxaadaro teedoo kalaba ay yar tahay in la jeediyo oo halku dhigeedu ahaa Gabadha Soomaaliyeed iyo Qurbaha, oo uu sheekhu ku nuux nuuxsaday gabdhaha Soomaaliyeed ee Muslimka ah iyo Sharaftooda iyo qaabka ay tahay inay ula dhaqmaan qurbaha, wuxuuna u keenay tusaalooyin muuqda kuwaasoo laga dheehan karayay xaqiiqada ka jirta qurbaha iyo waxyaabaha ay la kulmeen gabdhiihii Soomaaliyyed kolkii Qurabaha la aaday Wanaag iyo Xumaanba.
Sheekhu wuxuu safarkan dacwo ku soo mari doonaa wadanka oo dhan, meelaha ilaa hadda uu tagay waxaa ka mid ah, Rustenburg, Polokwane, Tzaniin. Wuxuu kaloo aadi doonaa Nelspruit, Eastern Cape iyo Western Cape inshaa Allaahu.
Mawaadiicda iyo mawcidaduba waxay ahaayeen kuwo booskii loogu talagalay dhacayay, waxaanan rajaynayaa umadda Soomaaliyeed inay ka faa’idaysan doonto. Inshaa Allaahu.
Axmed Maxamuud Cabdi (Axmed Dheere)
wacays99@gmail.com
Koonfur Afrika.
13/01/2010
No related posts.
Nadwado Muqdisho loogu qabtey Odayaasha Dhaqanka. 
Asckum Ilaahey misanka aqiro ha ugt daro shiiqa wanaa mid loo bahanyahay una bahan umada muslimiinta oo caamada aha dadka meshaas kunol ilaahey haku an faaco
acww maashaa alaah alle ha ka abaalmariyo shiikha miisaan ka xasanaadkana ha ugu daro shiikha umada alle ha ku anfaco intaa kadib walaalayaal waa in lagu dadaalaa barashada diinta islaamka wabilaahi toowfiiq
maasha allaah ilaahay khayr haku abaal mariyo
Assc wr wbr maamulka & inta soo booqata.
Khayr Allaha siiyo Skeikh Muxmamed Idriis miisaanka xasanaadkana allaha u saaro juhdiga uu dacwada galinayo runtii waxaa la oran karaa waa arin ku dashayo mudan dadka u qumaana ay naadir yihiin shaqooyinka noocaas ah.
sheekh moxamed khayr Alle hasiiyo waa daaci aan kubaranay camal iyo ALLE kacabsi. juhuudiisana allaha barakeeyo asagoo kalana Allaha noobadiyo
asc ayuhal ikhwa walalayal sheikh maxamed idiris wa shiekh dacwo iyo dadal farabadan u haya dhaman umada muslinka iyo somalida gar ahan qurba jogta waxan codsi u diraya culimadaa ssomaaliyed dadalka faraha badan ka sameyay gudaha iyo dibadaba inay markan culayska saran dibada specially south aafrica oo dhalinta aan oran karo adunka ssomali ka xun aysan jogin xalal iyo xaran lagu murmayo walciyadu bilah alle waaxaan uga shekena alle uga baryaya in misankaa xasanadkisa ugu daro dadaalka dherigaa ah uu u haayo umadisaa wsc
Waxaad idiin waydiinaayaa QAMIISKA labis ISLAAM miyaaaaa?!!
Ina adeerayaalooow arintaas halayga shaafiyo haddii aad wax igu dhaantaan.. Mhadsanidiin
BISMILLAAH. WALXAMDU LILLAAH, WASSALAATU WASSALAAMU CALAA RASUULILLAAH, ammaa bacdu,:
ku : qofka leh magaca [ macow ] , haddaad ula
jeedo kalimadda [ ISLAAM ] diinta ISLAAMKA ,
oo aad ka wado ma dhar islaamku baneeyay
baa jawaabtu waa haa oo hadduusan wadan
wax kale oo ISLAAMKU xarimay waa dhar
astura cawrada oo macruufa oo qurux leh
laguna xaragoodo , haddaad ula jeedid
kalimaddaas [ ISLAAM ] , muslimiintana haa
jawaabtu waa haa oo waa dhar u gaara
ragga muslimiinta ah oo khaas ahaan
culimadu ay gashadaan .
laakiin haddaad ula jeedid
mawduuca ku saabsan shaykh idriis iyo
dacwadiisa taas waxaan u arkaa inay
kugu tahay aflagaado iyo ansha xumid
waana la yaabanahay sida ay kuu sii daysay
somaalimirror, waxaadna ogaataa haddii uu
qasadkaagu yahay wax sheegid waa in aad
naseexo sheegtaa ama aad naqdin cad u
soo gudbisa shaykha oo xattaa waa banii
aadame wuu qaldami karaa si hoose ugu
dhigtaa naseexada , haddii waxu ku saab
sanyahay maamulka uu wadona waa kuu furan
yahay say ila tahay inaad naqdiso
maadaama laguu fasaxay hadlakaan oo kale
illayn haddaan been la sheegayn mawduucu
ma ahayn qamiis ee qamiiska shaykh
idriis baad nooga dhigaysaa cunwaan,
adaana lagaa rabaa inaad kala caddayso
ujeedadaada haddii kale waxaan ku
leeyahay ALLAAH ka baq oo u cudur
daaro shiikha kana raali gali hadalkaa
qoraal ahaan , waxaan kuu sheegayaa inaad
kaligaa khilaaftay markhaatiga intaas kaa
horaysay ay u markhaati kaceen ninkaas
ALLAAH dartiis isku xilqaamay , waxaan
leeyahay waa sidaas ay sheegeen dadkaasi
saas baana u malayn [ WALLAAHU XASIIBUH ]
[ WALAA UZAKKI CALALLAAHI AXADAN ], ee
macoowow jawaab baan kaa sugayaa haddaad
daacad u socotay haddii kale oo aad soo
jawaabi waydid macnaheedu waa inaad fawdo
iyo buuq aad u jeeday .
waxaana iga tala ah marka aan
fiirshay marxalada lagu jiro maanta in
ay waajib nagu tahay inaynu difaacno cirdi
kasta oo muslima , oo aynu markasta garab
istaagno madluumka haddna aynu daalimka aynu
gacantiisa qabano , ALLAAHNA AYNU KA BAQNO.
WALLAAHU ACLAM.