Dagaal Xalay ka dhacay Kuliyadda Jaale Siyaad

Published on December 6, 2009 by Somalimirror   ·   4 Comments   ·  

Dagaal u dhaxeeya DKMG ah iyo AMISOM oo dhinac ah iyo Xoogaga ka soo horjeeda ayaa Xalay Fiidkii ka dhacay Nawaaxiga Kuliyadii hore ee Jaale Siyaad ee Magaalada Muqdisho.

Dagaalkaasi waxaa Bar-bar socday Madaafiic Xoogan oo ka soo dhacaysay Fariisimaha Ciidamada AMISOM qaarkood, waxaana la sheegay inay 2 Qof oo rayid ahi ku dhaawacmeen Rasaas wiifto ah oo gaartay Degmada Dayniile.

Lama sheegi karo Khasaaraha Rasmiga ah ee kala gaaray labadda dhinac, mana jirto Cid ka hadashay Dagaalkii xalay.

Ciidamada DKMG ah ee Dhawaan la dajiyay Warshadii hore ee Kabka ayaa Saaka diiday inay wadada hor marta isticmaalaan Gaadiidka Noocyadiisa kala duwan, balse markii danbe ayay Dib ka fureen.

Ma aha markii ugu horeysay oo weerar ka fool ka fool ahi lagu qaado ciidamada AMISOM iyo kuwa DKMG ah ee Fariisinka ku leh Kuliyaddii hore ee Jaale Siyaad, waxaana lagu tiriyaa Halka ugu badan ee ay Dagaaladu ka dhacaan.

Related posts:

1. Dagaal Qaraar oo Saaka Ka Dhacey Agagaarka Jaale Siyaad
2. Ciidamada AMISOM oo Dagay Kuliyadii Jaale Siyaad
3. Dadkii Rayidka ee degenaa Kuliyadii Jaale Siyaad oo laga qaxinayo.
4. Ciidamada Burundi ee degan Jaale Siyaad oo la duqeeyay
5. Ciidamada AMISOM ee degan Kuliyadii Jaale Siyaad oo la weerarey..