SomaliMirror

Nadwada ka socota Masjidka Cumar Bin Khataab ee Magaalada Qardho ee Xarunta Gobolka Kar kaar ayaa caawa gashay habeenkii Shanaad oo xidhiidh ah waxaana Darsiga caawa soo jeediyay Sheekh C/naasir Xaaji Axmed oo soo jeediyay Mowduuc uu ciwaankiisu ahaa “ waajibnimada isku Xukumidda Kitaabka Alle  (Daawo Sawiradda)

Sheekh C/naasir Xaaji Axmed waxa uu ugu horeyn si kooban ugu hadlay ciwaanka Mowduuca wuxuuna si kooban oo cilmiyaysan uu sharaxaad ugu sameeyay ciwaanka Mowduuca ,wuxuuna intaa kadib Sheekh C/naasir u galay sharxida qeybaha uu ka koobnaan dono Mowduuciisa.

Sheekh C/naasir waxa uu intaa kadib sheegay in Shareecada Islaamka ay tahay mid gaar la ah Afar waxyaabood oo kala ah in ay tahay mid saban walba “ Wakhti walba “shaqeynaysa , Shumuuliyad “ Kulmin” , mid baaqi ah ilaa Qiyaamaha inta laa gaadhayo .

Sheekhu waxa uu intaa kadib shaxay Erayga “وجوب التحاكم ” wuxuuna Sheekhu intaa kadib uu ku dheeraaday micnaha Eraygaas wuxuuna daliilo u soo qaatay Aayaad Quraanka Kariimka ka mid ah iyo Axaadiis Nabiga SCW ka Sugnaatay.

Sheekh C/naasir Xaaji Axmed waxa uu intaa kadib uu u galay ka hadlida waajibnimada isku xakumida Shareecada Islaamka , wuxuuna Sheekhu tibaaxay in Diintu ay tahay mid meel walba soo galaysa loona baahan yahay in la dabaqo Shareecada waxa ay sheegayso .

Waxa uu Sheekh C/Naasir Xaaji Axmed uu sheegay in ay Isku xakumidda Shareecadu ay tahay mid ay waajib ka dhigeen Ilaahay SW iyo Nabigiisa Muxamad ah SCW , wuxuuna Sheekhu xusay in Ilaahay oo loo Xukun tagaaye ay soo hoos galayso Towxiidul Uluuhiya .

Sheekh C/naasir waxa uu sheegay in ay waajib tahay in la isku xukumo ama loo xukantamo Sharaacada Islaamka wuxuuna soo qaatay Sheekhu Ayaad Quraanka Kariimka ah ka mid ah iyo Axaadiis Nabiga SCW ka sugnaatay iyo sidoo kale qaar ka mid ah Hadaladii ay isku xukumada shareecada ka dhaheen Culimadii Salafka .

Sheekh C/Naasir waxa uu sheegay in Shareecada Islaamka ay xaarameysay waxyaabaha dadka noloshooda iyo dhaqankoodaba dhibka ku ah wuxuuna xusay in Wadamo badan oo gaalo ah ay imika ka sheegayaan in Shareecada Islaamku ay tahay mid dhowrtay nolosha Bini Aadamka ah sidoo kalena ugu digtay wax alaala wixii caqabad muuqada iyo mid dadbanba ku ah Noloshiisa .

Sheekhu waxa uu intaas kadib tibaaxay in dadku ama bulshadu ay midoobayso hadii ay shareecada Islaamka isku dhaqaan ayna tahay wadad kaliya ee bulshada isku keeni karaysa hadii ay arintaas ka shaqeeyaan , wuxuuna dhinaca kale tilmamay in sababta loo dalbayo in la isku dhaqo sharaacada Islaamka ay tahay in laa nabad galo cadhada Alle iyo in la helo raali ahaanshihiisa .

Sheekhu waxa uu carabaabay in Duulaanada kala duwan sida kuwa maskaxda , dhaqaalaha , iyo kan Military ee ay Reer Galbeedku ku soo qaadeen Caalamul Islaami “ Dunida Muslimka “ ay carqalad ku keentay ku dhaqankii shareecada Islaamka yio fahamkii dadku ay diinta ka heysteen , wuxuuna Sheekh C/naasir uu dhinaca kale tilmamaay in Reer Galbeedku ay Wadamada Muslimka ah ay u soo direen Dad la dhoho Mustashqiriin dadkaasina ay yihiin kuwa si xeel dheer u barta qeybaha ay ka kooban tahay Diintu sida Quraanka iyo Sunaha sababta ay u baranayaana ay tahay sidii ay tashwiish iyo khaladaal ugu dhex beeri lahaayeen Caqiiqda , wuxuuna Sheekhu xusay in dadkaas ay Reer Galbeeku soo dirsadeen ay ku hungoobeen ay in wax yar xataa ka badalaan Caqiiqada wuxuuna Sheekhu sheegay in Diintu ay tahay mid dhowran Ilaahayna uu Kitaabkiisa Munasalka ah ku sheegay kuna yidhi “ إنا نحن نزلنا الذكر وإنا له لحافون “ .

Sheekhu waxa uu sheegay in sida looga hor tagi karo dharaha ay reer galbeedku wadaan ay tahay in Culuumta Diiinta lagu dhigo Iskuulada , Macaahidda , iyo Jaamacaadka si looga hor tago isku daya ay wadaan Reer Galbeedku.

Sheekhu waxa uu intaa kadib sheegay in maamulada jira looga baahan yahay in ay wacyi fiican ka qaataan Shareecada ama dhinaca kale ay aqabalaan in Culimada ay wax ka barto Diinta ayna iska daayaan isla waynida iyo Madax taaga, wuxuuna Sheekhu nasiib daro ku tilmamay in dad isku sheegaya Qaanuun yaqaan kuna faanaya marka diinta wax laga waydiiyo uu dhoho waxba kama aqaano marka lagu yidhaahdo sharaacada barana ay dhahaan qaanuunka aan aqaano iyo shareecadu isma qaadi karaan .

Sheekh C/Naasir Xaaji Axmed waxa uu soo qaatay Ayaaadka xidhiidha ee ku jira Suuratul Maa’ida ee kala ah “ ومن لم يحكم بما انزل الله فأؤلئك هم الكافرون “– ” ومن لم يحكم بما انزل الله فأؤلئكهم الظالمون “– “ومن لم يحكم بما انزل الله فأؤلئك هم الفاسقون “ wuxuuna Sheekh C/naasir Sharaxaad dheer ku sameeyay Micnaha Aayaadkaas ku jira iyo Micnaha ay xambaarsan yihiin .

Sheekh C/naasir waxa uu intaa kadib uu soo qaatay hadaladii ay Culimada Salafku ka dhaheen Micnaha ay xambaarsan yihiin Ayaadkaas , wuxuuna Sheekhu tibaaxay in loo baahan yahay in dhug loo yeesho waxa ay Aayaadku ka hadlayaan ,sidoo kalena loo baahan yahay in dadku ay mar walba ku dadaalaan arimaha la xidhiidha diiintooda sidoo kalena ay isku taxalujiyaan .

Darsiga uu oo jeediyay Sheekh C/naasir Xaaji Axmed waxaa Tacliiq yar oo Mowduuca la xidhiidha ku lifaaqay Sheekh C/qaadir Nuur Faarax oo sheegay in Sheekh C/naasir darsiga uu jeediyay uusan ka daba tageyn balse uu dhinac kale wax ka tilmaamayo , wuxuuna Sheekh C/qaadir xusay in maamulada jiraayi ay mar walba ka dhawaajiyaan in ay diyaar u yihiin in shareecada la isku xakumo balse aysan ka dhabeyn karin waayo buu yidhi Sheekh C/qaadir dabaqidad Shareecada iyo maqaasideeda si wanaagsan uma garanayaan , wuxuuna Maamulada ku booriyay in ay lagama maar maan tahay in shareecada la isku xukumo , wuxuuna Sheekh C/qaadir Nuur Faarax uu bidhaamiyay in ay dhibaato tahay intii Shareecada Islaamka laga tago in la dhoho waxaan isku xakumaynaa qawaaniin ay dad sameeyeen lana sheego in xeerka la isku xukamayaayi uusan ka hor imaneyn Shareecada Islaamka .

Sidii caadadu ahayd waxaa inta kadib la galay ka jawaabidda su’aalaha Fataawada ah ee ay Culimada Nadwda ka qeyb galaysa ay soo waydiiyeen Dadka Nadwada la socda waxaana su’aalaha caawa ka jawaabay Sheekh C/qaadir Nuur Faarax , Sheekh Daahir Aw Cabdi iyo Sheekh Maxamed Macalin Axmed.

www.somalimirror.com

 Daabaco