Nadwadii Lixaad oo caawa si toos ah looga furay Masjidka Cumar Binu Khataab ee M. Qardho

Published on July 16, 2009 by Somalimirror   ·   6 Comments   ·  

Waxaa Caawa si rasmi ah looo furay Nadwo Cilmiyeedkii lixaad ee Masjidka Cumar Binu Khataab ee Magaalada Qardho ee Xarunta Gobolka Kar Kaaar oo ah mid sanadkiiba mar lagu qaban jiray Masjidka ,(Daawo Sawirada )waxaana Xaflada Furitaanka Nadwada ka soo qeyb galay Culimaa’udiin kala duwan iyo Xubno ka tirsan maamulka Gobolka .

Ciwaanka Nadwada ee Sanadkan ayaa ah “kani waa jidkayga Toosan ee Raaca –وأن هذا صراطي مستقيا  فتبعوه  ” waxaana duruus kala duwan ka soo jeedin doona Culimaa’udiin kala duwan

Ugu horey Nadwada waxaa lagu furay Ayaad Quraan ah ooo uu Akhriyay Macalin Maxamed “Xamari “ oo ka mid ah  Macalimiinta wax ka dhigtay Mu’assada Daraarul Quraan.

 

Waxaa ugu horeyn Kalmadda ka siiyay Sheekh C/shakuur Aadan Faarax oo kamid ah Gudiga Qaban qaabada Nadwada wuxuuna ugu horeyn Sheekh C/shakuur sharaxaad ka bixyay xiligii la soo bilaabay Nadwooyinka Masjidka lagu qabto iyo Maraxaladihii kala duwanaa ee ay soo mareen Nadwooyinka  wuxuuna xusay in nadwadii ugu horeysay ee Masjidka ay dhacday Sanadkii 2004 wixii xiligaa ka dambeeyayna sanadkiiba mar lagu qabto Masjidka Nadwo cilmiyeed .

 

Sheekh Cabdi shakuur waxa uu tilmaan ka bixiyay qaar ka mid ah Mowduucyadii looga hadlay Nadwooyinkii hore wuxuuna si gaar ah u dul istaagay Mowducyada kala duwan ee Nadwada Sanadkan looga hadli doono.

Sheekh Cabdi Shakuur waxa uu sheegay in mar xalado kala duwan ay soo mareen nadwooyinkii masjidka lagu soo qabtay ,nadwooyinka lagu qabto masjidka xiliga lagu aadiyana uu yahay mid ku munaasib ah marka laga fiiriyo dhinacyo badan .

 

Intaa kadib waxaa Kalmada la siiyay Maxamed Aadan oo ka mid ah Odayaashada Dhaqanka ee Gobolka wuxuuna Maxamed Aadan ugu horeyn u mahad celiyay Culimada ka qeyb galaysa Nadwada iyo Gudiga qaban qaabada , wuxuuna dhinaca kale dadka Magaalada ku dhaqan ugu baaqay in ay Nadwada ka faa’iidaystaan ayna fiican tahay intii ay darbiyada fadhin lahaayeen in ay Masjidka soo xaadiraan Kheyrkana ay ka faa’iidaystaan.

 

Kalmad kale waxaa la siiyay Duqa Magaalada Qardho Cismaan Buux Cali , wuxuuna Cismaan Buux Cali u mahad celiyay Gudiga Qaban qaabada Nadwada , wuxuuna tilmamaay in Culimada ay u istaagaan waxyaabo badan oo uu maamulku ka gaabiyay kuwaas oo ay ka mid ahaayeen wacyi galinta Bulshada iyo kheyr u sheegidoodaba.

 

Cismaan Buux Cali waxa uu intaa kadib wax ka tilmaamay dhibaatooyinka heysta Bulshada Soomaaliyeed wuxuuna  Ilahayna uu uga baryayo in uu ka dul qaado colaadaha iyo abaaraha dabada dheeraaday ee ku habsaday.

Waxa uu intaa kadib Cismaaan Buux Cali uu shegay in dhibaatooyinka Bulshada heysta ay ka mid tahay Mukhaadaraadka qeybihiisa kala duwan , dhibaatadaasina ay bulshada ku keentay caqado badan.

 

Ugu dambeyntii waxa uu Duqa Magaalada uu tibaaxay in Nadwdu ay furan tahay ka maamul ahaana ay raali ka yihiin Nadawda iyo howlaheedaba.

Intaa kadib waxaa kalmad la siyay Sheekh Daahir Aw Cabdi  oo ku hadlay Magaca Culimada wuxuuna ugu  horeyn Sheekh Daahir Aw Cabdi u mahad celiyay Gudiga Qaban qaabada Nadwada , wuxuuna intaa kadib wax ka tilmaamay maraxaladihii loo soo maray cilmiga wuxuuna Sheekh Daahir xusay in Cilmiga loo gali jiray Safar dheere dhib badanna loo mari jiray Barashada Cilmiga loona baahan yahay in laga faa’iiydaysto Cilmigii dhibka adag laga soo maray ayna muhiim tahay in aan la dayacin.

 

Sheekh Daahir Aw Cabdi waxa uu wax ka tilmaayay dhibaatooyinka heysta Ummadda Muslimka ah wuxuuna tilmaamay in dhibaatooyinka ay gaaladu ku hayso dadka Muslimka ah ay soo mareen maraxalado kala duwan , dhibaatooyinkaasina ay kala duwanaayeen mid kastana ay gaaladu ka laheyd u jeedo  gaar ah .

 

Intaa kadib waxa uu Sheekh Daahir Aw Cabdi uu sharaxaad koob kooban ku sameeyay Mowduucyada kala duwan ee looga hadli doono Nadwada inta ay socoto , wuxuuna sharaxaad si  kob kooban ugu soo bandhigay waxyaabaha xidhiidhka la leh Mowduucyada Nadwada .

 

Sheekh Daahir Aw Cabdi waxa uu wax ka tilmaamay dhibaatooyinka heysta Bulshada Soomaaliyeed wuxuuna Dhibaatooyinkaas ka tilmaamay in ay ka mid yihiin  Tahriibta , Mukhaadaraadka , Shaneemooyinka , iyo Diishashka Guriyaha ka dhigto, Sheekh Daahir waxa uu sheegay in loo sheegay in Magaalada Boosaaso oo kaliya ay ku yaalaan ilaa 485 goobood oo laga daawado Filimaanta “Shaneemooyin”  taasina ay nasiib daro inteeda la eg tahay , wuxuuna sidoo kale wax ka tilmaamay in dhibaato kale ay tahay Tahriibtu ay tahay dhibaato kale oo Bulshada soo food saartay Mudooyinkii dambe ayna tahay ama lagu tilmaamo karo dhibaatooyinka ugu waa weyn ee haysta Bulshada Soomaaliyaa qeybaheeda kala duwan , wuxuuna nasiib daro kale ku tilmaamay in Dhalinyaradii Soomaaliyeed ay naftooda ku biimaynayaan Khatar ay u jeedaan ayna gooshayaan Badda iyo Saxarada si  ay uun u tagaan Yurub qaar badana ay dhintaan badda iyo Saxaraha.

 

Ugu  danabeyntii waxa uu gudiga Nadwu u mahad celiyeen Shirkadaha Isgaadhsiinta ee kala ah Telcom , Golis  iyo Shirkado kale oo Maxali ah oo ka qeyb qaatay socodsiinta Nadwada iyo howlaheedaba , waxay sidoo kale Gudigu u mahad celiyeen Shabakadaha Somalimirror iyo Halgan oo tabin doona duruuska ka bixi doonta Nadawda

 

 

 

 

 

Related posts:

1. Nadwo Cilmiyeedkii 6-aad oo lagu wado in caawa ay ka bilaabato Masjidka Cumar Bin Khadab ee M. Qardho
2. Nadwadii 8-aad ee Masjidka Al-rowda oo caawa la soo gaba gabeeyay
3. Nadwo Cilmiyeed socon doonta 8 Habeen oo caawa si toos ah ugu bilaabatay Masjidka Al-Huddaa ee Magaalada Laascaanood
4. Nadwadii labaad ee Diini ah oo Caawa lagu qabtey Masjidka Aba-hureyra ee M/disho
5. Nadwadii Masjidka Al-Huddaa ee Magaalada Laacaanood oo la soo gaba gabeyay