Taliyihii Booliiska Qandahaar & Saraakiil kale oo la dilay

Published on June 30, 2009 by Somalimirror   ·   2 Comments   ·  

Mas’uuliyiin Afqanistaan ah ayaa sheegay in Taliyihii Ciidamada Booliiska Gobolka Qandahaar ee Afqanistaan iyo 8 Saraakiil oo kale ay Xarakadda Daalibaan Dileen Isniintii Shalay ka dib Iska Hor’imaad dhex maray Ciidamadda Booliiska ee uu Tababaray Maraykanka iyo Daalibaan.

Axmed Karazaay oo ah Gudoomiyaha Golaha Gobolka Qandahaar ahna Walaalka Xamiid Karzaay ayaa sheegay in Iska hor’imaadku uu dhacay ka dib markii ay Ciidamadu galeen Xafiis uu ku jiray Qof la soo Dacweeyay ka dibna y xoog ku soo bixiyeen.

Wuxuu intaa ku daray “Dagaalka wuxuu ku Bilowday Booliiska Markii ay ka soo tageen Xafiiska Qofka la soo Dacweeyay”.

“Waa la Dilay Taliyahii Ciidamada Booliiska Qandahaar ahna Madaxa Xafiiska Danbiyadda ee Magaaladda iyo 7 kale oo ka mid ah Booliiska” ayuu u sheegay Axmed Wakaaladda Wararka ee Routers.

Dhanka kale Xamiid Karazaay ayaa ku eedeeyay Ciidamadda Gumeysiga ee NATO in ay ka danbeeyaan Dilka Taliyaha Ciidamadda Booliiska Qandahaar iyo 8 kale oo ka mid ah Booliiska.

Karazaay ayaa ka codsaday Ciidamada Gumeysiga Maraykanka in ay u soo gacan galiyaan 2 ka mid ah Ilaaladda Afqanistaan oo la shaqeeya NATO oo uu ku eedeeyay in ay ku luglahaayeen Dilka Taliyaha.

Related posts:

1. Taliyihii Ciidamada Booliiska G/Banaadir ee DKMG ah oo ku geeriyooday Dagaaladii saaka.
2. Daalibaan oo Duqeysay Saldhiga Ciidamada Jarmalka ee Qandahaar
3. Taliyihii Ciidamada Booliiska Puntland oo la dhaawacay
4. Midowga Yurub oo si kulul u Canbaareeyay Qaraxii lagu Dilay Cumar Xaashi & Saraakiil kale.
5. Taliyihii Nabad Sugida Baydhabo oo goordhaw la dilay