Qanyare “aniga Musharaxaan ahay”

Published on December 30, 2008 by Somalimirror   ·   2 Comments   ·  

Maxamed Qanyar Afrax oo ka tirsan Baarlamaanka DKMG ah ayaa maanta Shaaca ka qaaday in uu u Taaganyahay Musharaxnimada Jagadii uu iska Casilay C/laahi Yuusuf Axmed ee Madaxweynanimada DKMG ah ee taagta daran.

“Musharax baan ahay Safarkii hore Number 3 baan ahaay, Safarkana waan taaganahay, Nimaankaan Xildhibaanada ahoo soomaaliyeed oo 275-ta ah iyo Haddii laga soo badiyoo si sharci inta la raaco ah laga soo badiyo, kuwaasaan Sharaxaadayda Hordhigayaa, Nidaamka waa aqaanaa, Nidaamkaan Marayaa, aniga Musharaxaan ahay, Dadka inta badan Baarlamaanka ku jira waa ay i ogyihiin, inta banaanka jirtana in ay ogaadaan ayaan rabaa”

Haddii uu ku guulaysto Qanyare Jagadani waxa ugu horeeya ee uu qabanayo ayuu ku sheegay Dhinaca Amaanka isaga oo arintaasi ka hadlayana waxa uu yiri “aniga haddii la I doorto lanbar kow waxaa ii ah in aan Amaanka ka shaqeeyo Beesha Caalamka anaga oo kaashanayna soomaali anaga oo kaashanayna ilaahay anaga oo Tuugayna horta in dadka la kala Nabad galiyo Qoriga la aamusiyo ka bacdi Howsha kale loo soo noqdo”.

Mar uu ka hadlayay in uu Aadan Madoobe isku taagi karo Jagada C/laahi Yuusuf Iska casilay ayaa waxa uu sheegay in uu Marka hore iska Casila mid Baarlamaanka.

Waa Musharaxii ugu horeeyay oo ka tirsan Baarlamaanka Fadhi ku dirirka DKMG ah oo shaaciya in uu taaganyahay Jagadii uu iska casilay C/laahi Yuusuf ka dib markii ay Cadaadisyo badan ku yimaadeen.

Related posts:

1. C/laahi Yuusuf oo sheegay in uu is-casilay ka dib markii Wadanka ay la wareegeen Xoogaga Muqaawamada lana afduubay Dib u heshiisiintii DKMG ah.
2. Nuur Cade“Iscasilaadaas oo uu xilkii Madaxweynanimada iska casilay Mudane C/laahi Yuusuf Axmed waan soo dhaweynaynaa”
3. C/laahi Yuusuf oo laga sugayo Garowe ka dib markii uu is-casilay
4. Kalfadhigii Maanta ee Baarlamaanka oo C/laahi Yuusuf uu ka baaqdey
5. Kulamo xasaasi oo ka socda Madaxtooyada Baydhabo