3 Qarax oo goor dhow ka dhacay Baydhabo.

Published on October 31, 2008 by Somalimirror   ·   2 Comments   ·  

Inta la ogyahay ilaa iyo 5 ruux ayaa ku geeryootay tira ka badan 15 kalana waa ay ku dhaawacmeen, ka dib markii qaraxyo 3 ah ay magaalada Baydhabo goor dhaweed ka kala dhaceen.

Qaraxyadan oo aan la garan wali nooca ay ahaayeen ayaa waxaa ay ahaayeen dhamaantooda kuwa lagu weeraray ciidamo ka tirsan Booliiska Dowadda KMG ah.

Mar qura ayaa laga war helay dhawaqyo kala gadisan oo qaraxyo ah, waxaana hal mar xirmay dhamaan goobihii Ganacsiga iyo waliba isku socodkii dadweynaha iyo Bl-ka.

Si dhab ah looma xaqiijin karo illaa iyo hadda khasaaraha rasmiga ah ee Qaraxyadiisi waxaana Cusbitaalka magaalada Baydhabo lagu daad gureenayay dhaawacyo tiro badan kuwaas oo gawaarida BL-ka ee ka dhaxshaqeeya gudaha magaalada Baydhabo,lagu geenayay cubitaalka si loola tacaalo dhaawacyadooda.

Ilaalada Cusbitaalka dhexe ee magaalada Baydhabo ayaa diiday in gudaha loo galo goobaha lagu daawaynayo Dhibanayaasha.

Dhacdadani waa dhacdadii ugu horaysay oo maalin qura ama wax ka yar daqiiqad magaalada Baydhabo ay ka kala dhacaan ilaa iyo 3 Qarax oo is xig xiga.

Ciidamada Booliiska D KMG ayaa goobaha Qaraxyada ay ka dhaceen si deg deg ah ku soo gaaray, waxayna dadka ku fureen rasaas xoogan, rasaastaasi oo geestay Khasaaro dhimasho  iyo dhaawac, balse aan la sheegi Karin tirakoobka saxda ah.

Wixii warar ah ee ku soo kordha dib ayaan idinkaga soo gubinaynaa Insha allaah

Related posts:

1. Qarax Khasaare sababay oo Baydhabo ka dhacay.
2. Qarax ka dhacay Baydhabo oo Dhimasho iyo dhaawacba geystay
3. Qarax Bam Gacmeed oo ka Dhacey Baydhabo
4. Qarax ka dhacay Baydhabo & howl-gal Burcad Sifayn ah.
5. Qarax waxyeelo geystay oo ka dhacay Baydhabo