Weerar lagu qaaday Fariisinka Jantakundisho.

Published on September 18, 2008 by Somalimirror   ·   4 Comments   ·  

Abaare 08:00 fiidnimo iyo qadar daqiiqado ah ayay Xoogaga Al-Shabaab weerar Hoobiye ku qaadeen Ciidamada gumeysiga itoobiya ee fariisinka ku leh Buurta Janta Kundisho duleedka Bari ee magaalada Baladweyne xarunta gobolka hiiraan.

 

Hoobiyayaashan ayay dadka deegaanku ku sheegeen in ay qiyaastii gaarayeen dhowr Hoobiye lamana sheegi karo illaa iyo hadda khasaaraha rasmiga ah ee ka soo gaaray ciidamada gumeysiga itoobiya balse waxaa la filayaa in ay jiraan khasaarooyin naf iyo maalba leh.

  

Weerarkaasi ka dib ayay ciidamada gumeysiga itoobiya ku jawaabeen Madaafiic ay ku garaaceen dhulka duurka ah ee ay deganyihiin Qoysas Reer Miyiga ah oo xoolo dhaqato ah, lamana sheegin illaa iyo hadda cid wax ku noqotay Madaafiicdaasi.

  

Ciidamada Gumeysiga Itoobiya ayaa weerarkaasi ka dib isku fidiyay dhamaan wadooyinka ka agdhaw fariisinka Janta kundhisho.

  Ma aha markii ugu horeysya oo weerar noocan oo kale ah ay ku qaadaan xoogaga islaamiyiinta soomaaliyeed ciidamada gumeysiga itoobiya ee fariisinka ku leh Buuraha Jantakundisho. 

Related posts:

1. Weerar culus oo lagu qaaday Ciidamada Uganda
2. weerar lagu qaaday Ciidamada DKMG ah deg. Yaaqshiid
3. Ciidamo cusub oo gaaray Jantakundisho
4. Weerar lagu qaaday Hooyga Sarkaal ka mid ah DFKMG ah
5. Weerar lagu qaaday Fariisimaha C.Gumaysiga