EU oo Dajinaya Qorshe Burcad Badeeda Soomaaliya Looga hor Tegayo

Published on September 12, 2008 by Somalimirror   ·   No Comments   ·  

Midowga Reer Yurub ayaa wada qorshe uu daaha ka furi doono oo  ay ku doonayaan ka hor tagida Burcad Badeeda Soomaaliyeed ee ka qowleysata Xeebta Dheer ee Dalka Soomaaliya.

  

Kula lagu wado in mudowga Reer Yurub ku yeesho Dalka Brazil maalinta Isniinta ah ee nagu soo fool leh ayaa laga yaabaa in uu ku faah faahiyo, qorshe la gula dagaalamo Burcad Badeeda Soomaaliyeed ee sida aadka ah ugu soo badaneysta Gacanka Cadmeed.

  

Warar xog’ogaal ah oo ku dhow Wasiirada Midowga Reer Yurub ayaa sheegaya in safiirada Dowladaha ku bahoobey Middowga Reer Yurub ee ka kooban 27 dal, ay daraaseyn doonaan qorshe howled ujeedkiisu yahey sidii wax looga qaban lahaa Burcad Badeeda Soomaaliyeed, kaas oo ay shaacin doonaan Wasiirada Arimaha Dibada ee Middowga Reer Yurub, ka dib kulankooda maalinta Isniinta ka furmi doona magaalada Brussels ee Dalka Belgium.

  

Qorshaha Wasiirada Arimaha Dibada ee Midowga Reer Yurub ku dhawaaqi doonaan ayaa ka koobnaan doono, qodobo kooban oo qeexaya, dib u doo cusbooneysiinta iyo isku duba ridka dhaq dhaqaaqyada Midowga Reer Yurud ee looga hortegayo Burcad Badeeda Soomaaliyeed ee ka qowleysata Xeebaha Soomaaliya, oo noqotey khayar weyn ee xaalada sii fogeyneysa.

  

Ka dibna kulanka Midowga Reer Yurub ee Brussels, waxa ay qorsheynayaan dirida Maraakiib Dagaal, kuwaas oo ka howl gali doona Xeebaha Soomaaliya iyo ka fikirida dhaqaalaha xoogan ee ku bixi doona Maraakiibta Dagaal ee uu dirayo.

  

Qorshaha midowga Reer Yurub dajinayo ayaa ka koobnaan doona, sida warar hoose sheegayaan labo qeybood oo kala ah in marka hore la qaado talaabo Milateri oo si aad ah looga fikirayo, ka dibna laga shaqeeyo sidii loo xidido siibi lahaa Burcad Badeed.

  Burcad Badeeda Soomaaliya ayaa howlahooda ay ka wadaan xeebta Soomaaliya bilihii ugu danbeeyay dar dar geliyay, waxaana gacantooda ku jira inta laga warqabo ku dhawaan 10 Markab, oo ay ku jiraan xamuulka qaada, sidoo kale waxa ay afduub u hestaan dad ajaanib oo xeebaha Soomaaliya ka soo qabteen.

Related posts:

1. M.Yurub oo Sheegay in uu la Dagaalamayo Burcad Badeeda Soomaaliya
2. Wasiira Arrima Dibadeedyada EU oo ka hadlay Soomaaliya
3. France: – waan Baacsanayaa Burcad Badeeda Soomaaliya
4. Ciidanka MGPL oo galabta la soo wareegay dooni lagu heystay xeebaha Bari ee Soomaaliya
5. 14 burcad Badeed Soomaali ah oo la Qafaashay