Dhagax Tuur oo Shaaciyey in Maamulka Gobolka Banaadir u Sharaxan Yahey

Published on September 10, 2008 by Somalimirror   ·   No Comments   ·  

Maxamed Cusmaan Cali(Dhagax Tuur) oo saxaafada shir Jaraa’id ugu qabtey Magaalada Muqdisho ayaa shaaciyay in uu u sharaxan yahey xilka maamulka Gobolka Banaadir, ee lagu wado in dhawaan la soo doorto.

  Dhagax Tuur ayaa ka mid ahaa xubnihii hore ee Maamulka Gobolka Banaadir ugu qaabilsanaa DKMG ah ee la shaqeysa Gumeysiga Itoobiya ee shaley xilalka laga xayuubiyay.  

Shirka Jaraa’id ee uu qabtey Dhagax Tuur ayuu ku soo bandhigay qorshihiisa wax qabad, ee uu ku doonayo in lagu doorto, waxa uuna sheegay in uu doonayo in amaanka guud ee Gobolka Banaadir wax ka badeli doono, hirgelin doonana nabad taam oo ka hirgasha Gobolka.

  

Waxa uu sidoo kale sheegay in dadkii ka qaxey Magaalada Muqdisho uu dib gurayahooda ugu soo celin doono, iyada oo sidoo kale la furayo wadooyinka xiran, waa sida uu hadalka u dhigayee.

  

Waxa uu kale ee shirka Jaraa’id ka sheegay in ciidamada degan deegaanada Dadka Rayidka ah laga rari doono, si dadkii deegaanada deganaa dib ugu soo nodaan deegaanadooda.

  

Shirka Jaraa’id waxa uu sidoo kale ku soo bandhigay wax qabadkiisa, intii uu kusime ahaan ugu magacownaa Maamulka Gobolka Banaadir ee sida Kmg ah Nuur Cadde ugu magacaabey, isaga oo sheegay in intii uu xilka hayey la furey wadooyin xirnaa, sidoo kalena ladayac tirey wadooyinka qaar ee Gobolka Banaadir.

  Shirka Jaraa’di ee Dhagax Tuur qabtey Maanta ayaa ku soo aadeya xilli shaley dhamaan maamulkii hore ee gobolka banaadir xilalkii laga xayuubiyay sidoo kalena la dhisey maamulka muddo 15 maalmood xilka heyn doona, muddadaas gudaheedana la soo dooran doono maamul guud oo Gobolka Banaadir yeesho.  

Related posts:

1. Dhamaan Xubnihii Maamulka Gobolka Banaadir oo Xilalkii Laga Qaadey
2. Kaabe Makhraati ka tirsan waaxda Canshuur aruurinta Maamulka Gobolka Banaadir oo iscasiley
3. Mas’uuliyin ka tirsan Gobolka Banaadir oo maanta is casilay
4. Xil Ka Qaadis Maxamed Dheere Lala Damacsan Yahey
5. 2 xubnood oo ka tirsan maamulka degmada Xamar Jajab oo Maanta is casiley