2 askari oo lagu dhaawacay Baydhabo

Published on August 31, 2008 by Somalimirror   ·   1 Comment   ·  

2 askari oo ka mid ah ciidamada Booliiska DFKMG ah ee la shaqeysa gumeysiga itoobiya ayaa ku dhaawacantay Qarax Bamnaa oo saaka Abaarihii 07:00 aroornimo lala beegsaday xili ay ku sugnaayeen xaafada Suuqa Xoolaha ee Magaalada Baydhabo xarunta gobolka Baay. 

Dhaawaca askartani oo la xaqiijiyay in uu ahaa mid culus ayaa loola cararay Isbitaalka Dhexe ee magaalada Baydhabo halkaasi oo lagu dabiibayo.

  

Qaraxaasi Bambaano ka dib ayaa waxa la maqlayay rasaas xoogan oo la isweydaarsanayo, lamana sheegi karo illaa iyo hadda cida sida rasmiga ah isku weydaarsatay.

  

Ciidamada Booliiska ayaa la sheegayaa in ay goordhaw Baaritaano ka bilaabeen goobta qaraxaasi Bambaano lagula beegsaday, lama sheegin illaa iyo hadda wax dad ah oo ay qafaasheen ciidamadaasi.

  

Ma jirto illaa iyo hadda cid sheegatay falkaasi Balse waxa uu ka mid yahay falalka amaan daro ee bilihii ugu danbeeyay sida weyn uga jiray magaalada Baydhabo oo ay xarun u tahay Baarlamaanka DFKMG ah ee la shaqeysa gumeysiga itoobiya.

Related posts:

1. 2 Qof oo lagu dhaawacay Baydhabo
2. Askari ka tirsan ciidamada DFKMG ah oo maanta lagu toogtay Baydhabo
3. Askari lagu dhaawacay Deg. Yaaqshiid
4. Dibad bax lagu Taageerayo Nuur Cadde oo ka socda Baydhabo
5. Taliyaha Nabad sugida Baydhabo oo la weeraray