SomaliMirror

Warbixintu waxay ka hadlaysaa:-

 Hordhac

Heerarka kala duwan ee ay soo martay Muqaawamadu?

Goorma ayay Bilaabatay

Yaa Hogaaminaya Muqaawamada

Guulaha ay gaartey

• Dhanka Milatariga

 

• Dhanka Siyaasada

 Caqabadaha Hortaaga

1. Dhanka Gudaha

Dhanka Fikirka

Dhanka Maamulka

Dhanka Milatariga

Dhanka Dibada

1) Xayiraad xagga Socdaalada Dibadda

2) Faragalin siyaasadeed iyo mid milatari

Gobolada ay ka taliyeen

Maxay ka qabteen gobolada ay la wareegeen

Goobaha ay ku hareen Ciidamada Gumeysiga Itoobiya

 Maxaa la gudboon Muqaawamada?

Hordhac

Goorta ay Bilaabatay Muqaawamadu & Heerarkii ay soo martay

Heerkii Koowaad

Muqaawamada Soomaaliya ayaa bilaabatay ka dib markii ay ciidamada Gumeysiga Itoobiya gudaha koonfurta Soomaaliya soo galeen, iyada oo goobtii ugu horeysay ee muqaawamada lagala horyimaado ciidamada gumeysiga Itoobiya ay ahayd xaafada suuqa xoolaha ka dib markii wiil dhalinyaro ahi uu ku tuuray dhagax markaasi fariin u ahaa in uu ka soo horjeedo soo galitaanka Ciidamada itoobiya ee gudaha soomaaliya, waxaana maalmo ka dib ku xigay isla xaafadaasi in wiil dhalinyaro ah uu rasaas ku furay ciidamada gumeysiga itoobiya isaga oo adeegsanaya qoriga AK47, mudo yar ka dib waxaa is aruursaday mujaahidiin ka mid ahaa MMIS kuwaas oo abaare 02:00 saq dhexe weerar dhabogal ah kula beegsaday kolonyo Uralo ah oo ay wateen ciidamada gumeysiga itoobiya oo marayay Jidka Warshadaha gaar ahaan saraha Caymiska Degmada Yaaqshiid ee magaalada Muqdisho. Kaas oo markii danbe ku baahay inta u dhaxeysa Isgoyska Ex-control Balcad illaa isgoyska Ifka xalan ka dib markii ay Muqaawamadu Jidgooyo dhowr ah u dhigeen gurmadyo Itoobiyaan ah oo ka soo kala kicitimay xaruntii hore ee Gaashaandhiga iyo Nawaaxiga Xerada Maslax.

Dagaalka habeenkaas ayaa waxa uu daboolka ka qaaday in ay muqdisho ka bilaabatay Muqaawamo rasmi ah taas oo dhiiri galisay dad badan oo ka soo horjeeday gumeysiga argagax iyo feejignaana ku abuurtay ciidamada gumeysiga iyo kuwa la shaqeeya intaba.

Intaa ka dib Muqaawamadu waxay isku badashay weeraro isugu jira mid hoobiyayaal oo lagu gaaracayo maalintii Xarumaha DFKMG ah iyo fariisimaha ciidamada gumeysiga itoobiya iyada oo saq dhexe habeenkiina ay muqaawamada weeraro qorshaysan la beegsanayeen Xarumaha Madaxda iyo saldhigyada ciidamada DFKMG ah.

Taas oo in mudo ah socotay

Heerka Labaad

Mudo dhowr bilood ah markii ay muqaawamadu ku socdeen sida aanu soo sheegnay waxa ay isku badashay dagaal weyn oo fool ka fool ah.

29/03/07–01-04-2007 waxaa magaalada muqdisho ka dhacay gaar ahaan Jidka warshadaha iyo Midka Foloransa dagaal faraha looga gubtay oo mujaahidiintu kaga hor istaagayeen qorshe ay ciidamada gumeysiga itoobiya ku damacsanaayeen in ay ku qabsadaan fariisimo ay ka mid ahaayeen:-

Garoonka Stadium Muqdisho iyo Xaruntii hore ee Xisbiga. Balse waxa ay Mujaahidiinta iyo Shacabka Soomaaliyeed kala horyimaadeen iska caabin xoogan oo qaadatay in dagaal xoogan oo socday mudo 4 maalin ah oo lagu xasuusto gaadiidkii ugu horeeyay ee laga gubay ciidamada gumeysiga itoobiya iyo askar badan oo maydadkooda ay mujaahidiintu wareen Jidka warshadaha gaar ahaan inta u dhaxeysa Machadka SIMAD illaa Miisaanka Dhuxusha ee degmada Yaaqshiid ee magaalada muqdisho.

Dagaalkaas oo isagu ahaa mid ay ku hoobteen ciidamada gumeysiga itoobiya ayaa waxa lagu xasuustaa xasuuqii aan kala reebka lahayn ee ay ciidamadaasi u geysteen shacabka kaas oo ku dhinteen dad lagu qiyaasay:

1086 ruux waa sida lagu sheegay Guddigii ay odayaasha dhaqanka hawiye u saareen qiimeynta waxyeeladii ay geysteen dagaaladii ka dhacay Muqdisho 29/03/07–01-04-2007 waxaana isla warbixintaasi lagu sheegay in ay ku dhaawacmeen 4344 ruux iyada oo ay muqdisho oo kaliya ka barakaceen xiligaasi (1.400.000) qof.

Dagaalkaasi ka dib ayaa waxa dhacday waan-waan lagu joojinayo xabada oo ay codsadeen ciidamada gumeysiga itoobiya, balse mudo yar ka dib waxaa halkii ka sii bilowday dagaal ka sii kulul kana wakhti dheer midkii 4-ta bari waxaana uu dagaalkaasi si aan kala joogsi lahayn habeen iyo maaliba u socday mudo 9 bari ah kaas oo ku dhex maray Mujaahidiinta soomaaliyeed oo aan xiligaasi kala qeybsanayn iyo ciidamada gumeysiga itoobiya, iyo kuwa DFKMG ah oo iskaashanaya 6 degmo oo ka tirsan magaalada Muqdisho oo kala ahaa:-

1) Degmada Heliwaa

2) Degmada Yaaqshiid

3) Qeybo ka mid ah Degmooyinka Kaaraan

4) Wardhiigleey

5) Howl-wadaag

6)  iyo Hodan.

Dagaalkaasi ka dib wax hakad ahi ma galin muqaawamadii lagala soo horjeeday gumeysiga balse waxa ay muqaawamadu ku dhawaaqeen in ay tabahoodii dagaal u badleen ku dhufo oo ka dhaqaaq, waxaana bilowday xiligaas dagaalo wata tabooyin cusub oo isugu jiray

1- Weerar ka Fool ka Fool ah,

2- Qaraxyo isugu jiray Miinooyin iyo Bambaanooyin,

3- Madaafiic lagu garaacayo Xarumaha Gumeysiga iyo kuwa la shaqeeya

4- Dilal qorshaysan oo loo geysanayo Madaxda iyo Ciidamada Gumeysiga iyo kuwa la shaqeeya

5- iyo Falal Istish-haadi ah oo lagu Qarxinayo Xarumaha Muhiimka ah ee Gumeysiga iyo DFKMG ah.

Heerka Saddexaad

 Heerkan saddexaad Muqaawamadu waxay ku baahiyeen dagaalkii ay kula jireen gumeysiga itoobiya iyo inta la shaqeysa dhamaan Gobolada Dalka Soomaaliya meel kasta oo ay ka joogaan iyo waliba jidadka muhiimka ah ee ay maraan.Mujaahidiintu waxaa xiligaasi ka soo shaac baxay Garabyo si hoose u Jiray balse aan kolkii hore si Muuqda u wada gaarin Bulshada Soomaaliyeed.

Kuwaas oo kala ah Al-Shabaab, Midowga Maxaakiimta Islaamiga Soomaaliyeed, iyo Jabhadda Islaamiga Soomaaliyeed.

Heerkan saddexaad waxay mujaahidiintu la wareegeen inta badan gobolada koonfureed, waxayna gobolada qaarkood ka sameeyeen maamulo iyaga hoos yimaada, waxayna qarka u saaranyihiin xiliga hadda la joogo in ay la wareegaan inta yar ee ay wali ku harsanyihiin ciidamada iskaashanaya kuwaas oo iyaguna ay weeraro kala duwan har iyo habeenba ku hayaan mujaahidiinta.

Yaa hoggaaminaya Muqaawamada?

Muqaawamada soomaaliya waxaa kala hogaaminaya saddex garab oo kala ah

1. Midowga Maxaakiimta Islaamiga Soomaaliyeed (MMIS)

2.  Dhaqdhaqaaqa Mujaahidiinta Al-Shabaab

3. Jabhadda Islaamiga Soomaaliyeed

Guulaha ay gaareen

Dhanka Milatariga

Muqaawamada Islaamiga ah ee soomaaliyeed waxay gaartay guulo ballaaran oo ah dhinacyada siyaasadda iyo milatariga.

Dhinaca Milatariga guulaha ay gaareen waxaa ka mid ah:-