Gaari Tiknika ah oo isu soo dhiibay caawa Mujaahidiinta
By Somalimirror on 14 Jun, 2008 7:54 PM in Wararka
Salaadii Makhrib ka dib ayaa waxaa Mujaahidiinta Jabhadda Islaamiga Soomaaliyeed (Jabiso) iyo Midowga Maxaakiimta Islaamiga Soomaaliyeed isu soo dhiibay gaari Cabdi bille ah oo ay wateen qaar ka mid ah Ciidamada DFKMG ah ee la shaqeysa Gumeysiga Itoobiya xili uu ku sugnaa Degmada Buur-Hakaba ee gobolka Baay.
Sarkaal sare oo ka mid ah JABISO oo la soo xiriiray Shabakadda Beerdhiga ayaa u sheegay in gaari Cabdi Bille ah oo ay wateen Istaafkii gaarka ahaa ee taliyihii Ciidamada Degmada Diinsoor “Kowte” oo bil ka hor lagu dilay Qarax miino ay isu soo dhiibeen ka dib markii ay la soo xiriireen mujaahidiinta.
Isla ilahaas ayaa intaa ku daray in Gaari ay la socdeen 10 qoryaha AK47, Sabano iyo rasaas badan oo u badan dhashiikayaal iyo Sabano.
Gaarigan ayuu sarkaalku ku sheegay in ay soo galbiyeen 2 Tikniko ah oo ay leedahay Jabiso kuwaas oo maanta Burcad sifayn ka waday jidka u dhaxeysa Deegaanka Lego iyo Degmada Buur-hakaba ee Gobolka Baay.
Sarkaalka ayaa ka gaabsaday in uu sheegayo halka ay la aadeen gaarigaasi, waxaana uu ku soo beegmayaa iyada oo maal-mahan danbe ay soo baxayaan gawaari badan oo Tiknika ah oo isu soo dhiibaya dhinaca mujaahidiinta soomaaliyeed.
Daabaco
U dir saaxiib
Loading ...
Engineere Tahniyad xeel dheer kadib, khabarkani waa horreeyey. Taariikhduna waa maanta. Marka bal inaga eega baarakaAllaahu fiikum.
AbuGaaloEri | Jun 14, 2008 | Reply